Visimo 27:18 - Livulu lya Shukulu Kalunga

¹⁸ Uje avwaesa muti wa mukuyu, akalya vushuka vwawo, na munu lalo uje ononoka Shukulu Kalunga kendi, vakamusingimika.

Visimo 27:18 Iomraidhean Croise

2 Vimyene 18:31

Kesi mutolilile kuli Hezekiya embwe. Mwene wa Asilya alinakumishika ngeci mutuuke mu nganda mwakuliite. Co muvavoshe vakamitavesa kulya ku mikolovozi ya vushuka vwa vinyu na mikuyu ya ku miti yeni, nakunwa mema a mu masima eni,

2 Vimyene 3:11

Co Mwene Njosefati wehwile ngwendi, “Kuno kukwesi muka-kwimanena wa Shukulu Kalunga ngeci atwihwile kuli Shukulu Kalunga ndi?” Co mwata umo wa mashwalale va Mwene Njolame wakumbulwile ngwendi, “Kwali kuno Elisha muna Shafete. Ikeye waatele kuli Elinja.”

2 Vimyene 5:25

Omo welukile mu njuvo, Elisha wamwihwile ngwendi, “Unaile kuli?” Co ikeye wamukumbulwile ngwendi, “Shukulu, nakumo kwai kunjinaile.”

2 Vimyene 5:27

Co ololo mushongo wa mbumba uje wakele kuli Namane ukaija kuli yove, co yove na vatekulwila vove mukakala na mbumba myaka yoshe!” Omo Ngehazi watundile kuli Elisha, aje vene wakele na mushongo wa mbumba, co cikonde cendi catokolokele ngwe mbundu.

Esita 6:11

Ngecivene, Hamane wakashakele vuzalo na kavalu, co wavuzikile Molendekai. Molendekai walondele a kavalu, co Hamane wamwendesele mu tapalo ya nganda, watambekele kuli vanu oku valinakwenda ngwendi, “Kengeni mwakalingi mwene na munu uje yashaka kwana vulemu.”

Myaso 123:2

Ngwe vangamba valinakuyoyela kuli shukulu yavo wa munalume, ngwe lalo ngamba wa mumbanda alinakuyoyela kuli shukulu yendi wa munakazi, ngeci mesho etu akenga kuli yove, Shukulu Kalunga Njambi yetu, noo utuzivilako mema ku mbunge.

Kutuuka 24:13

Co Mosesa na mukwasi wendi Yoshwa valivwaesele, Mosesa walamatele ku munkinda wakujela.

Visimo 17:2

Ngamba wa mana akashika mwana uje azivisa shwamwa, ngamba wa cifwa cangacije akatambula vushwana amolika na mwana wa shukulu yendi.

Visimo 22:29

Nga upanga vipangi vyove mwamuvwa, co ukapangela vimyene, kuukapangela vanu vangoco embwe.

Visimo 27:17

Vanu valilongesa ku vanu na vakwavo, ngwe cikuvo cotanganya cikuvo na cikwavo.

Visimo 27:19

Omo munu alikengela mu mema, amona cihanga cendi, mukemwo lalo na viyongola vili mu mbunge ya munu vimusholola ikeye vavenya.

Myaso ya Solomoni 8:12

Citungu cange ca mikolovozi ya vushuka vwa vinyu, cinapu cange vavenya, Solomoni asa kutulika mavundungulu a siliva akupwa 1,000, na vaka-kulima vasa kutulika vyuma vyakupwa 200 vije vawana mu mahya avo.

Isaya 36:16

Kesi mutolilile kuli Hezekiya embwe! Mwene wa Asilya alinakumishika ngeci mutuuke mu nganda mwakuliite. Co muvavoshe vakamitavesa kulya ku mikolovozi ya vushuka vwa vinyu, na mikuyu ya ku miti yeni, nakunwa mema a mu masima eni,

Mateo 24:25

Tolilileni! Njinamilekela cimweja omo simbu kanda yete.

Mateo 24:46

Navezika ngamba uje, omo shukulu yendi akaija, co akumuwana alinakulinga ngeci.

Mako 10:43

Oloni, eyi kesi ikeyo ngila akati keni embwe. Nga umo weni ashaka kupwa wakama, ikeye napande kupwa ngamba ya vakwavo voshe,

Luka 12:37

Vanavezika vangamba vaje omo shukulu yavo aija avawana kuvesi mu tulo valinakumukengelela! Mwa vushunga njimileka ngwange, ikeye akalizitika mwiva mu mbunda, akavaleka ngeci vatumbame, co akavana vyakulya.

Luka 12:42

Co Mwene wamukumbulwile ngwendi, “Iya napu ngamba wa kulongwa nakunyanyama? Ikeye uje shukulu yendi namusezela kunyunga njuvo yendi, nakwana vyakulya kuli vakwavo vangamba a simbu yaivwa.

Luka 19:17

Co wendekele kuli ikeye ngwendi, ‘Unalingi mwamuvwa manene, u ngamba wamuvwa! Omwo walongwele mu vyuma vyavindondo, ngecivene, njikakupwisa muka-kutwamenena vinganda likumi.’

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Vilinga vya Miluwa 10:7

Asinoni uje kangelo waile, co Konelyasi wasanene vangamba vavali va mu njuvo yendi na lishwalale. Lishwalale uje wapwile umo wa vaka-kumupangela. Wapwile wa kulongwa.

1 Kolinte 3:8

Kukwesi lyangununo akati ka uje akuna na uje atukumwina, Njambi akaana cikandelela ku munu na munu ngwe ku vipangi vyendi vyanalingi.

1 Kolinte 9:13

Mwa vushunga mwazivuka ngweni vanu vaje vakapanga mu Njuvo ya Shukulu Kalunga vakawana vyakulya vyavo ku Njuvo ya Shukulu Kalunga, co vaje lalo vakakombelela a mutula vakawana lalo mutambela wavo ku vije vanakombelela ndi.

1 Kolinte 9:7

Kuma mashwalale vakalifwetela vakevo vavenya mu vipangi vyavo vya vushwalale ndi? Nambe ndimi muka uje kesi kulya ku vushuka vwa mikolovozi ya vinyu vwa mu lihya lyendi? Nambe kanyungi muka uje kesi kunwa mavele a ku vimanga vendi?

Kolose 3:22

Vindungo, ononokeni kuli vashukulu veni va ano asi mu vyuma vyoshe, kesi lika omo vakevo valinakumikengelela omwo mushaka ngeci vamishangale, oloni cilingeni na mbunge ya lyovwa-ovwa mukukomoka Mwene.

2 Timateo 2:6

Na ndimi lalo uje naundangana manene mu vipangi napande kuteja vimbuto vyavivwa vyakulivanga

1 Petulu 2:18

Yeni vangamba munapande kulikeesa kuli vashukulu yeni, co vamweseni kasingimiko, kesi lika kuli vaje vaka-ngozi na vaka-kumizivila mema ku mbunge embwe, oloni na kuli vaje vaka-kuluvala.

1 Petulu 2:21

Omwo eci cikeco camisanenene Njambi, omwo Kilistu vavenya wamiyandelele, co namisezela cimweso, ngeci mukavangeye mu myanja yendi.

1 Samwele 2:30

Yange Kalunga Njambi ya Isalele, njakulaesele laja naanga yove na cikota cove ngeci vakanjipangela kupwa vaka-kukombelela. Oloni ololo njendeka ngwange kunjishaka lalo ngacije embwe! Oloni njikasingimika vaje vanjisingimika, co vaje vanjiyengula nange njikavashaula.