Visimo 27:11 - Livulu lya Shukulu Kalunga

¹¹ Munange, kala na mana, co njikavwaelela njikasa kukumbulula munu woshe uje anjipaya.

Visimo 27:11 Iomraidhean Croise

Myaso 119:42

Asinoni njikakumbulula vaje vanjishaula, omwo njakulaela mu lijwi lyove.

Myaso 2:10

Yeni vimyene mweseni ngeci munazivisisa majwi awa, yeni vaka-kushwana, tolilileni mwamuvwa kukunangula oku.

Visimo 10:1

Evi vikevyo visimo vya Solomoni. Mwana wa mana avwaelelesa ishe, oloni mwana wakweeva akolesa vaina shwamwa.

Visimo 15:20

Mwana uje wa mana avwaelelesa ishe, oloni mwana wakweeva, akolesa vaina shwamwa.

Visimo 26:16

Mulwa akayongola ngwendi napu wakunyanyama kutuvakana vanalume vatanu na vavali, vaje vasa kuyongola viyongola vyavivwa.

Visimo 27:12

Vaka-mana omo vamona tuyando twija, co vatwongoloka, oloni muka-kujeneka kuyongola akovelamo, co kulutwe aliveya.

Visimo 29:3

Uje azema mana avwaelelesa ishe, oloni uje alikwata vusamba na vikwizi ashandola vufuko vwendi.

Filimoni 1:7

Cizemo cove, ndolome yange, cinanjinenela kuvwaelela kwakama nakunjitakamesa manene! Omwo yove unavwaelelesa vimbunge vya vanu va Njambi voshe.

2 Yowano 1:4

Njavwaelelele manene omo njawanene ngeci vamo vana veni valinakuyoya mu vushunga, ngwe muje mwatushikile Tate.