Visimo 25:8 - Livulu lya Shukulu Kalunga

⁸ Kesi uzambwile kutwala mukweni ku mbanja. Nga mukaleo weka akawana ngeci yove u muka-mulonga, co ukaziva shwamwa yakama manene.

Visimo 25:8 Iomraidhean Croise

2 Samwele 2:26

Avinele watambekelele Yowave ngwendi, “Kuma nzita eyi inapu ya myaka yoshe ndi? Kuma kuuzivuka ngeci ku shongo kukukakala cuma ceka cai kuvanga vizindo lika ndi? Yetu tunapu tu vavushoko vweni. Simbu mukajo ukashika vanu vove ngeci valikele kutusheka?”

1 Vimyene 3:25

Co mwene wendekele ngwendi, “Tavuleni mwana wakuyoya mukati, co aneni mbazuvwila imo kuli munakazi umo, na mbazuvwila ikwavo ku munakazi mukwavo.”

Visimo 14:12

Kuli ngila ije amona munu ngeci inapu ngila ya vushunga, oloni mamaneselelo ayo inapu ngila ya kutsa.

Visimo 17:14

Kushangumuka vimata kunapu ngwe mema azikuka mu lishali, ngecivene, likele kushangumuka vimata simbu kanda lwozi lushangumuke.

Visimo 18:6

Omo cilema ashangumuka vimata, co ashangumuna lwozi.

Visimo 30:33

Nga ukucwangeya mavele, co kutunda mazi, nga upupa a lijulu lya mukweni, co anokola, nga ukala na matoto, co ukala mu vukalu.

Muka-kwambulula 7:9

Kesi uluvale vwasi embwe, omwo vukalu vwakala mu vimbunge vya vilema.

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Mateo 5:25

“Lisambese vwasi na muka-n̄ole yove uje mumunalivulumwina omo muya mumo mu ngila kukusompa, kutewa akakutwala kuli lyaako, co lyaako akakwana kuli lishwalale, co lishwalale akakwaka mu kamenga.