Visimo 24:12 - Livulu lya Shukulu Kalunga

¹² Wasa kwendeka ngwove, “Ou kesi mulonga wange,” oloni Njambi azivuka viyongola vyove. Ikeye alinakukenga ali yove, co azivuka viyongola vyove. Co akakwana cikandelela ku vyuma vije ulinga.

Visimo 24:12 Iomraidhean Croise

Yombi 34:11

Ikeye aana cikandelela kuli vanu ngwe ku vilinga vyavo, nakuvapangesa kwesekesa ku vipangi vyavo.

Myaso 121:3

Shukulu Kalunga ikeye muka-kunjinyunga, ikeye kesi kulala tulo, nambe kutava ngeci njiwe.

Myaso 121:8

Shukulu Kalunga akakunyunga kwoshe-ikwoshe kuje kuukaya, kutunda ku lelo na ku myaka yoshe.

Myaso 17:3

Yove uzivuka mbunge yange. Yove unaija kuli yange a simbu ya vutsiki. Unanjiilula mwamuvwa, co kuwawanene mashungu a vuvi muli yange.

Myaso 44:21

mwa vushunga ngwe kuwavisholwele ndi? Omwo yove uzivuka viyongola vyakushweka vya mu vimbunge.

Myaso 62:12

co njakala na cizemo cije kucesi kutenguluka.” Shukulu Kalunga, yove vavenya ukafwete munu na munu ngwe ku vipangi vyendi.

Myaso 66:9

Ikeye akanyungu myonyo yetu, kesi kutava ngeci tupelyangele.

Myaso 7:9

Yove u Njambi wa vushunga, wilula viyongola vyetu na vizango vyetu. Vindika vilinga vya vanu vya kupenga-penga, oloni nyunga voshe vaka-kukwononoka.

Myaso 94:9

Njambi ikeye watangele matwi etu, co kasa kuziva ndi? Ikeye watangele mesho etu, co kasa kumona ndi?

Visimo 12:14

Cikandelela cove nambe kunyanyama kwove kunemana a vyuma vije wendeka, na vyuma vije ulinga.

Visimo 16:2

Twasa kusinganyeka ngeci yetu tuzivuka vika vinapu vya vushunga, oloni Shukulu Kalunga apeselesa viyongola vyetu.

Visimo 21:2

Vingila vya munu vyoshe vinapu vyakushungama ku mesho endi, oloni Shukulu Kalunga ikeye asompa vilinga.

Visimo 5:21

Shukulu Kalunga amona vyuma vyoshe vije viwulinga. Kwoshe kuje kuuya, alinakukumona.

Visimo 5:22

Vaka-vuvi vatsa mu ciliva cavo vavenya. Vatsa mu linimbwa lya vuvi vwavo vavenya.

Muka-kwambulula 5:8

Nga umona tuutu vavayandesa mu lifuti lyeni nakuvavindika vushunga na moko yavo, co kesi ukomoke a vyuma vyangacije, omwo mwata wamundondo vamunyunga kuli mwata wakama, co akamwa yavo kuvali veka lalo vakama vavanyunga.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Njelemiya 32:19

Ukatumbu matumbe akujeneka mana, nakulinga vyuma vya nzili, ukamono vyuma vyoshe vije vivalinga vanu, co ukavana cikandelela kupwisa ngwe ku vilinga vyavo.

Mbimbi 3:36

omo vavindika kusompa mwa vushunga mu mbanja, ikeye avizivuka vyoshe evi.

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Mateo 16:27

Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Vilinga vya Miluwa 17:28

ngwe umo wendekele ngwendi, ‘Muli ikeye mukemwo mutwayoyela, mukemwo mutwendela mukemwo mutuli.’ “Ngwe muyinendeka myaso yeni ngwayo, ‘Netu lalo tunapu tu vana vendi.’

Loma 2:16

Co ngwe ku Vin̄anda Vyavivwa vinjilinakwambulula, omu mukemwo mucikafwa a Litangwa lije omo Njambi akahisa viyongola vyakushweka vya vanu voshe ali Yesu Kilistu.

Loma 2:6

Omwo Njambi akaana cikandelela kuli munu na munu kupwisa ku vipangi vyendi vije vyanalingi.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

Kujombolola 1:18

Yange muka-kuyoya! Njatsile, oloni kenga, njilinakuyoya ku myaka yoshe. Njili na moko yakutuvakana kutsa na vukalo vwa vatsi.

Kujombolola 2:18

“Kuli kangelo wa ku cikungulukilo ca mu Tiyatila soneka ngwove, “Eli likelyo lijwi lyatundu kuli Muna Njambi, uje ali na mesho akuvyazima ngwe mulangi wa tuhya, uje ali na mendi akutwa ceke ngwe vunengu vwakukwita mufwitilo.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.

Kujombolola 22:12

Yesu alinakwendeka ngwendi, “Tolilileni! Njilinakwija vwasi! Njilinakwija na cikandelela cakwana kuli munu na munu ngwe ku vilinga vyendi.

1 Samwele 16:7

Oloni Shukulu Kalunga wendekele kuli Samwele ngwendi, “Kesi ukenge ku vuvwa vwendi, nambe kukutunuka kwendi embwe, Yange njinamuvyana, omwo yange kunjimono ngwe muvakamono vanu embwe. Omwo munu akakenge cifwa ca anja, oloni yange njikamono mu mbunge.”

1 Samwele 2:3

“Kesi mwendeke majwi akulishasha, kesi mulyalese. Omwo Shukulu Kalunga ikeye Njambi azivuka, co asompa vyoshe vivalinga vanu.

1 Samwele 2:6

“Shukulu Kalunga atsiya, co ayoyesa, ikeye atwala vanu ku vukalo vwa vatsi, co avelwisa lalo.

1 Samwele 25:29

Nga munu akulwisa nakweseka kukutsiya, Shukulu Kalunga Njambi yove akakwamena, ngwe munu anyunga vufuko vwa seo. Oloni ali vitozi vove, ikeye akavombila kuti, ngwe munu asha limanya mu cipapa cendi ca kenya.