Visimo 23:7 - Livulu lya Shukulu Kalunga

⁷ Nambe akuleka ngwendi, “Lya vyakulya vyavingi.” Oloni kesi mukemwo mwalinakuyongola mu mbunge yendi.

Visimo 23:7 Iomraidhean Croise

Myaso 12:2

Vanu voshe valinakwendeka makuli kuli umo na mukwavo, nakulikwisa umo na mukwavo na vyuma vyakuseveleka.

Myaso 55:21

Majwi endi apwile amavwa kutuvakana mavele akukonda, oloni mu mbunge yendi mwakele cizindo, majwi endi apwile amavwa kutuvakana mazi, oloni apwile akuvambuka ngwe vimoko vya mukwale.

Visimo 19:22

Kulongwa kukekwo vashaka muli munu, mwamuvwa kupwa kautu, kutuvakana kupwa munu wa makuli.

Visimo 26:23

Majwi a civembulu, na mbunge ya vuvi, vinapu ngwe siliva ya kujelesa ije vanafwiki a ndeo ya vuma ya seo.

Visimo 26:24

Muka-civembulu akashweke cizindo cendi na majwi akuseveleka.

Visimo 26:25

Majwi endi asa kupwa amavwa, oloni kesi uwakulaele, omwo mbunge yendi inashulu manene na cizindo.

Ndanyele 11:27

Asinoni vimyene vaje vavali vakatumbama amolika nakulya ku mesa imo, oloni viyongola vyavo vikapwa vyavivi, co vakendeka makuli kuli umo na mukwavo. Vyoshe vivakayongola kuvikavakwasa embwe, omwo Njambi ikeye naaka simbu yakuvanyongesa.

Luka 7:39

Omo uje kaFaliseo wamwene evi, wendekele mu mbunge yendi ngwendi, “Nga ou munalume mwa vushunga napu muka-kwimanena, nga nazivuka ou munakazi alinakumukwata mavoko, nga nazivuka kuyoya kwendi kwakuvi kuje alinakuyoya!”

Maako 16:15

Ngecivene, ikeye wamwihwile ngwendi, “Vatijo wasa kwendeka ngwove unjizema, oku mbunge yove yaiko kuli yange? Yove unendeka kuli yange nakunjikwisa visimbu vitatu, anga vene kanda ucinjileke muyafwa nzili yove.”