Visimo 23:28 - Livulu lya Shukulu Kalunga

²⁸ Valinakuvandamena ngwe mapwepwe, co vanalume vavangi vanajeneka kulongwa omwo yavo.

Visimo 23:28 Iomraidhean Croise

Kushangumuka 39:10

Nameme ikeye wakele nakwihula Yosefa a litangwa na litangwa, oloni Yosefa wavyanene kusimutwiya nendi.

Visimo 22:14

Vupangala na munakazi wambala vunapu ngwe mbulu yakulova, nga uluvalesa Shukulu Kalunga, co ukawilamo.

Visimo 6:26

Munalume asa kukumuna cikwizi na ndando ya mukasha wa likende, oloni kulinga vupangala na munakazi wa mukweni cikamanesa vyoshe vije ulinavyo.

Visimo 7:10

Co uje munakazi waliwanene na uje mukwenje, uje munakazi wazalele vuzalo vwa vukwizi, co wakele na vutumbe mu mbunge yendi.

Visimo 7:12

nakwimana a masambwa-ngila, na mu vitapalo, na mu mitambela ya vulandeselo vwa vyuma.

Visimo 9:18

Vanu va luvinda kuvazivuka ngeci vanu vaje vakai ku njuvo yendi, vanatsi laja, vaje valivangele kukovelamo ololo vali mu vukalo vwa vatsi.

Muka-kwambulula 7:26

Co njawanene cuma cimo cakulula manene kutuvakana kutsa cinapu munakazi, cizemo cendi cinapu ngwe nganjo na mavoko endi anapu ngwe malyenge. Oloni uje munu ononoka Njambi asa kucakunukamo, oloni munu uje kononoka atsa mu nganjo eyi.

Njelemiya 3:2

Kenga akamwa ya malundu. Kuma kuli mutambela umo kuje kuwajenekele kulingilako vupangala ndi? Yove wakele nakuvandamena vikwizi kumukulo wa tapalo, ngwe kaAlambe avandamena vanu mu mambo. Yove unajwalesa lifuti na vukwizi vwove.

Hoziya 4:11

Shukulu Kalunga alinakwendeka ngwendi, “Vinyu vyalaja nevi vyaviha vijenekesa vanu vange mana!

Kulava 25:1

Omo vaIsalele vakele mu Cana ca Miti ya Mingongo, co vanalume vashangumukile kulinga vupangala na vanakazi va vaMowavi vaje vakele kuje.

1 Kolinte 10:8

Kutwapandele kulinga vupangala, ngwe muvalingile vamo vavo, co mu litangwa limolika vanu vakupwa 23,000 vatsile.