Visimo 23:23 - Livulu lya Shukulu Kalunga

²³ Landa vushunga, na mana, na vilongesa, nakuzivisisa, co kesi ulyangunuke navyo.

Visimo 23:23 Iomraidhean Croise

Myaso 119:127

Yange njazema mashiko ove kutuvakana ngolinde, kutuvakana ngolinde yaivwa.

Myaso 119:72

Lishiko lyakutunda mu kanwa kove lyalivwa manene kuli yange, kutuvakana vufuko vwoshe vwa ano asi.

Visimo 10:1

Evi vikevyo visimo vya Solomoni. Mwana wa mana avwaelelesa ishe, oloni mwana wakweeva akolesa vaina shwamwa.

Visimo 16:16

Cinapu cuma cacivwa manene kukala nakuzivisisa na mana, kutuvakana kukala na ngolinde na siliva.

Visimo 17:16

Omwo vikajo vilema vali na vimbongo vije vasa kulikwasa navyo mukulilongesa, oloni vakevo kuvesi na mana?

Visimo 18:15

Vaka-mana vali na cishota-mbunge cakuzivuka mana, co matwi a vaka-kunyanyama ashaka mana.

Visimo 9:8

Kesi unangule muka-kulyalesa, akakuzinda lika ngoco. Oloni nga unangula munu wakunyanyama, co munu wa cifwa cangacije akakuzema.

Isaya 55:1

Shukulu Kalunga alinakwendeka ngwendi, “Nga muli na lihwila, ijeni munwe mema! Nga kumwesi na vimbongo, ijeni mulye vije vimushaka! Ijeni mwakunwe vinyu na mavele, kujeneka kuvilanda na vimbongo!

Mateo 13:44

“Vumwene vwa mwilu vunalifu ngwe vufuko vwakushweka mu lihya, vuje munu awana, co avushweka. Asinoni akuvwaelela kwendi aya nakulandesa vyuma vyoshe vije alinavyo, co alanda lije lihya.

Mateo 13:46

Co omo awana likwalale limo lya seo yakama manene, aya nakulandesa vyuma vyendi vyoshe vije alinavyo, co alanda lije likwalale.

Mateo 16:26

Omwo nga munu afuka kaye koshe, oloni azimbalesa mwonyo wendi vika awanao? Mwa vushunga vene nacimo cai! Nacimo cai munu asa kwingisamo ngeci awane mwonyo wendi.

Vilinga vya Miluwa 20:23

Njazivuka lika ngwange mu nganda mwoshe Munzinzime Wakujela nanjinangula ngwendi kamenga na vukalu vinanjivandamena.

VaHevelu 11:26

Wacimwene ngeci tuyando na kayengu ka ali uje Wakuvwavesa vili kulutwe manene kutuvakana vufuko vwa mu Ingito, omwo wakengele mesho endi a cikandelela cije ca kulutwe.

Kujombolola 12:11

Vamuhyanene a maninga a Muna Manga na a vushunga vuje vambulwile, omwo vakele na cizango cakwecela myonyo yavo noo kutsa.

Kujombolola 3:18

Ngecivene, njikunangula ngeci ulande ngolinde kuli yange, ngolinde yakujela, ngeci ufuke. Co lalo landa vuzalo vwakutoka uzale ngeci ufwike mutotototo wove wa shwamwa. Co lalo landa cemba cakwaka mu mesho ove, ngeci wase kumona.