Visimo 23:21 - Livulu lya Shukulu Kalunga

²¹ Vaka-kupenda na vaka-kutsa akulya, vakapwa tuutu. Nga ulya nakulala lika tulo, co ukazala visanyu-visanyu.

Visimo 23:21 Iomraidhean Croise

Visimo 18:9

Muka-kupanga vipangi vyendi na vulwa, napu kavushoko ka munu muka-kushangumuna vukalu.

Visimo 19:15

Vulwa vwasa kulalesa munu tulo twakama, munu wa cifwa eci akayanda na njala.

Visimo 21:17

Uje ashaka vyuma vya senga akayanda, uje azema vinyu nakulya vya mazi kakafuku.

Muka-kwambulula 10:18

Omo munalume ali na vulwa vwakushomwenena njuvo yendi, ije njuvo inyokwa, co isiwuka.

Njwele 1:5

Indukeni mulile, yeni vaka-kupenda, lileni, yeni vaka-kunwa vinyu, mikolovozi ya vushuka vwa vinyu vuje mukalingi vinyu vyaviha vanainyongesa.

Mateo 11:19

Omo Muna Munu wezile, ikeye walile nakunwa, co vanu vendekele ngwavo, ‘Kengeni ou munalume! Watsa akulya na akunwa vinyu, musamba wa vaka-kutambula lisimu na vaka-vuvi!’ Oloni mana a Njambi anasholoka kupwa a vushunga a vilinga vyawo.”

1 Kolinte 5:11

Njatumbwile ngwange kesi mulikumbasane na munu uje alitumbula ngwendi napu muka-kukulaela oloni napu muka-vupangala, nambe muka-cipululu, nambe muka-kulemesa tumponya, nambe muka-kushaula, nambe muka-kupenda, nambe muka-kwiva. Kesi mutumbame nakulya na munu wangacije.

1 Kolinte 6:10

nambe vaka-kwiva nambe vaka-cipululu nambe vaka-kupenda nambe vaka-kushaula nambe vezi, kuvakashwana Vumwene vwa Njambi.

Ngalatiya 5:21

vakevo vaka-mafuwa, vaka-kupenda nakukina nakulinga vyuma vyeka ngwe evi. Njilinakuminangula ngwe munjaminangwile laja ngwange, vaje voshe valinakulinga vyuma evi kuvakakovela mu Vumwene vwa Njambi.

Kwituluka mu Mashiko 21:20

Co vakevo vakaleke vakulunu ngwavo, ‘Ou munetu muka-kalewilizi, co lalo wakala na likamba, kesi kutwononoka, co ikeye muka-kupenda nakuviisa vimbongo.’

Filipu 3:19

Vakevo valinakuya ku mbulu ya tuhya, omwo njambi yavo napu mashungu a mivila yavo. Vakevo valyalesa na vyuma vije vyapandele kuvazivisa shwamwa, co valinakuyongola lika vyuma vyakundama ku vije vili ano asi.