Visimo 23:17 - Livulu lya Shukulu Kalunga

¹⁷ Kesi uliveyele vaka-vuvi, oloni simbu yoshe singimika Shukulu Kalunga.

Visimo 23:17 Iomraidhean Croise

Myaso 111:10

Kukomoka Shukulu Kalunga kunapu vushangumukilo vwa mana, voshe vaje vanyunga mashiko endi vali na mana. Vashangazale Shukulu Kalunga ku myaka yoshe!

Visimo 15:16

Mwamuvwa kupwa u kautu oku ukomoka Shukulu Kalunga, kutuvakana kupwa u muka-kufuka, nakukala mu tuyando.

Visimo 24:1

Kesi uliveyele vaka-vuvi, nambe kulikwata navo vusamba embwe.

Visimo 24:19

Kesi ulishoshomwene omwo vaka-kulinga vuvi, nambe kuliveyelavo.

Visimo 24:21

Munange, singimika Shukulu Kalunga, nakusingimika lalo mwene. Kesi ulipandakane na vanu vaje vaka-kuvatengulukila,

Visimo 28:14

Navezika munu uje akomoka Shukulu Kalunga simbu yoshe, oloni uje akaluwisa mbunge yendi akakala mu tuyando.

Visimo 3:31

Kesi uliveyele vaka-muuka nambe kwangula kukava vingila vyavo,

Muka-kwambulula 5:6

Kesi utave majwi ove akutwamenene mu vuvi, ngecivene, leka muka-kukombelela wa Njambi ngwove, “Kesi mukemwo njayongwele.” Njambi asa kunyongesa vyuma vyoshe vije wapangelele, ngecivene, kesi wendeke cuma cije ciluvalesa Njambi.

Muka-kwambulula 5:7

Vinjozi vyavingi, na majwi amangi, vinapu vyangoco, oloni unapande kusingimika Njambi.

Vilinga vya Miluwa 9:31

Ngecivene, vikungulukilo vyoshe mu Yundeya na mu Ngalileya na mu Samaliya vakele na simbu ya kwoloka. Akukwasa kwa Munzinzime Wakujela vikungulukilo vyakolele nakuliwezelela, ngwe akuyoya kwavo mukukomoka Mwene.

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

1 Petulu 1:17

Mulinakumusana ngweni Tate, omo mulombela kuli Njambi, uje muka-kusompa vanu voshe na seteko imolika, kupwisa ngwe ku vije vyanalingi munu na munu, ngecivene, munapande kumukomoka mukuyoya kweni kwoshe kwa ano asi.