Visimo 23:10 - Livulu lya Shukulu Kalunga

¹⁰ Kesi ushwenyese cimweso ca nginga yalaja, nambe kunyeka visiwa mahya avo.

Visimo 23:10 Iomraidhean Croise

Yombi 22:9

Kuwavyanene kukwasa vifwile lika, oloni yove wevile nakupangesa lalo visiwa na cikela.

Yombi 24:9

“Vaka-vuvi vakapwisa vana va visiwa vindungo, co vakambata vana va kautu kuvapwisa cishimbikiya.

Yombi 6:27

Yeni mwasa kuta n̄ela ngeci visiwa muvapwise vindungo, nakulifukisa a vasamba veni va a mbunge!

Myaso 94:6

Vatsiya vifwile na visiwa, nakutsiya lalo vangenzi vaje vali mu lifuti lyetu.

Kutuuka 22:22

Kesi muyandese fwile nambe muna siwa.

Visimo 15:25

Shukulu Kalunga akanyongesa vinjuvo vya vanu va kulyalesa, oloni akanyunga vufuko vwa vifwile.

Visimo 22:28

Kesi ukashwenyese cimweso ca nginga yalaja ije ivatwile vakukulwila vove.

Njelemiya 22:3

Yange Kalunga njikushika kulinga vije vyavivwa nevi vya vushunga. Ameneni vaje vavalinakunyanyamena kuli vaje valinakuvanyanyamena. Kesi muyandese vaka-kwija, na visiwa, nambe vifwile, co kesi mutsiile vanu vakujeneka mulonga mu mutambela ou wakujela.

Njelemiya 7:5

“Tundeni mu ngila eyi mulinakuyoyelamo, likeleni kulinga vyuma vije mulinakulinga. Lingeni mwamuvwa kuli umo na mukwavo.

Njelemiya 7:6

Kesi muyandese vangenzi, na visiwa, na vifwile. Kesi mutsiye vanu vakujeneka mulonga mu lifuti lino. Kesi mulemese vinjambi veka vakaminyongesa.

Zakaliya 7:10

Kesi muyandese vifwile, nambe visiwa, nambe vaka-kwija vaje vali akati keni, nambe munu woshe uje najeneka. Co kesi mweseke kutumba matumbe akuvulumuna vakweni embwe!’

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Kwituluka mu Mashiko 19:14

“Kesi mukashwenyese nginga ya vushwana vwa mukweni, ije ivemikile vakukulwila veni mu lifuti lije lyakamyana Shukulu Kalunga Njambi yeni kulishwana.

Kwituluka mu Mashiko 27:17

“ ‘Cisingo ca Njambi cikale ali munu woshe uje atundisa nginga ya mukwavo.’ “Co vanu voshe vakakumbulula ngwavo, ‘Ewa!’

Yakomba 1:27

Kulemesa kwakuvwa kuje kwanayongola Njambi Tate kukekwo oku, kulela visiwa na vifwile mu tuyando twavo nakulinyunga ikeye vavenya kutunda ku vyuma vya mazilo vya mu kaye.