Visimo 22:4 - Livulu lya Shukulu Kalunga

⁴ Ononoka Shukulu Kalunga, pwa muka-kulikeesa, co ukawana vufuko, na kasingimiko nakuyoya simbu yakama.

Visimo 22:4 Iomraidhean Croise

Visimo 19:23

Kukomoka Shukulu Kalunga kunena mwonyo wa vushunga, uje alingamo akahwima mwamuvwa kujeneka lyova lya vushonde.

Visimo 21:20

Vaka-mana vakakala na vufuko vwa seo yakama, oloni vilema vashandola vimbongo vyavo vwasi omo vaviwana.

Visimo 21:21

Munu uje alinga vushunga na ngozi, akawana mwonyo, na vushunga na kasingimiko.

Visimo 22:3

Omo vaka-mana vamona vukalu vwija, co vatewa, oloni muka-kujeneka mana ayako, co akalikovelesa mu vukalu.

Visimo 22:5

Vilema vakende mu ngila ije ili na mambimbo, oloni nga uzema mwonyo wove tunda ku myeto ije ili mu ngila ya vaka-vuvi.

Visimo 29:23

Kulyalesa kutwala kukunyonga, oloni nga ulikeesa, co vakakusingimiko.

Visimo 3:16

Mana akeo akuyoyesa matangwa amangi, akwana lalo vufuko na kasingimiko.

Visimo 31:30

Citso ca munu cikakwisa, na vuvwa vwa cihanga cendi vwapwa vwangoco, oloni munakazi uje asingimika Shukulu Kalunga vakamushangazala.

Isaya 33:6

co akakolesa miyati ya vanu. Simbu yoshe akanyunga vanu vendi nakuvana mana nakuzivisisa. Vufuko vwavo vwakama manene vukapwa kasingimiko kuli Shukulu Kalunga.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Ndanyele 4:36

“Omo mana ange elukile kuli yange vavenya, co kasingimiko kange na vukama vwange na vumpau vwange vyelukile kuli yange vavenya lalo. Co vamyata vange na vaka-vulemu vange vanjitambwile mwamuvwa, co njelukilile lalo a vumwene vwange, na kasingimiko kakama manene kutuvakana akulivanga.

Mateo 6:33

Oloni akulivanga shakezekeni Vumwene vwendi, na vushunga vwendi, co vyoshe evi akamiwezelelavyo.

1 Timateo 4:8

Omwo akupangesa muvila cili na seo kamandondo, oloni kupangesa vya munzinzime vili na seo yakama manene mu vyuma vyoshe, omwo muvuvali vwavyo vikulaesa kuyoya kwa lelo nakuyoya kwa kulutwe.

Yakomba 4:10

Likeeseni yeni vavenya ku mesho a Njambi, co ikeye akamijundula.

Yakomba 4:6

Oloni kutetela kwa Njambi kwanatwana kwapwa kwa nzili manene. Ngwe muvyendeka visoneka ngwavyo, “Njambi avyana vaka-kulyalesa, oloni atetela vaka-kulikeesa.”