Visimo 22:1 - Livulu lya Shukulu Kalunga

¹ Lutsimo lwaluvwa na kasingimiko, vili na seo kutuvakana siliva na ngolinde.

Visimo 22:1 Iomraidhean Croise

1 Vimyene 1:47

Co lalo vamyata va mu mbanja vanaile mukushangazala shukulu Mwene Ndaviti nakwendeka ngwavo, ‘Njambi yove atsimanese manene Solomoni kutuvakana yove, co aamese vumwene vwendi kutuvakana vwove.’ Co Mwene Ndaviti wakulamene a vulili vwendi nakulemesa,

Visimo 10:7

Vanu vaka-vushunga simbu yoshe vakavanuka ngwe civezikiso, oloni vaka-vuvi vakavevala.

Muka-kwambulula 7:1

Lizina lyalivwa lyatuvakana mazi a seo yakama, co litangwa lya kutsa lyatuvakana litangwa lyakusemuka.

Luka 10:20

Kesi mujolele omwo minzinzime yakujwala imyononoka embwe, oloni joleleni omwo mazina eni vanawasoneka mwilu.”

Vilinga vya Miluwa 7:10

nakumunyunga mwamuvwa mu tuyando twendi twoshe. Omo Yosefa washolokele ku mesho a mwene wa Ingito, Njambi wamwanene cifwa cakuvwaelelesa na mana, co mwene wa Ingito wapwisile Yosefa nguvulu wakushwana lifuti lyendi lyoshe amo na lipela lyendi.

Filipu 4:3

Co nove lalo, muka-kupanga amo nange wa kulongwa, njishaka ukwase ava vanakazi, omwo vakevo vanapanga amo nange manene mukushandola muzimbu wauvwa, amolika na Kelemente na voshe veka vaka-kupanga amo nange, vaje mazina avo ali mu livulu lya Njambi lya vaka-kuyoya.

VaHevelu 11:39

Voshe vaje, nambe vamuvwaelelesele Njambi akukulaela kwavo, kuvatambwile cije cavakulaesele Njambi,