Visimo 21:3 - Livulu lya Shukulu Kalunga

³ Kulinga vushunga na vuvwa kuli na seo manene kuli Shukulu Kalunga, kutuvakana n̄ombelo.

Visimo 21:3 Iomraidhean Croise

Myaso 40:7

co njakumbulwile ngwange, “Yange uno, kulikundika kwange kuli yove vanacisoneka mu livulu lyove.

Myaso 50:8

Kunjimiluvalesa omwo ya vin̄ombelo vyeni vya kwenyeka, vije mukanena kuli yange simbu yoshe.

Visimo 15:8

Shukulu Kalunga akazivi vunyengwe na vin̄ombelo vya vaka-vuvi, oloni avwaelela na malombelo a vaka-vushunga.

Hoziya 6:6

Njishaka cizemo ceni cije kucesi kutenguluka, kesi vin̄ombelo vyeni vya tusitu embwe. Njishaka ngeci vanu vange vanjizivuke kutuvakana vanjikombelele vin̄ombelo vya kwenyeka.

Zakaliya 7:9

“Ku san̄ulu njashikile mashiko awa kuli vanu vange ngwange, ‘Moneni ngeci vushunga vulinakulingiwa, mweseni ngozi na mema ku mbunge kuli umo na mukwavo.

Mako 12:33

Co munu napande kuzema Njambi na mbunge yendi yoshe, na mana endi oshe, na nzili yendi yoshe, co napande kuzema mundambo wendi ngwe mwalizema ikeye vavenya. Mwamuvwa kwononoka mashiko awa avali kutuvakana kunena tusitu va n̄ombelo nakukombelela lalo vin̄ombelo vikwavo kuli Njambi.”

1 Samwele 15:22

Samwele wendekele ngwendi, “Cuma muka nashaka Shukulu Kalunga? Vin̄ombelo vya kwenyeka indi kukombelela nakumwononoka? Mwamuvwa kumwononoka kutuvakana kumukombelela vimanga vavavwa. Cinapu cuma cacivwa kumwononoka kutuvakana kumukombelela mazi a majamba.