Visimo 21:12 - Livulu lya Shukulu Kalunga

¹² Njambi wapwa muka-vushunga, ikeye lika azivuka vije vilingiwa mu vinjuvo vya vaka-vuvi, co akavanyongesa.

Visimo 21:12 Iomraidhean Croise

Kushangumuka 19:29

Oloni omo Njambi wanyongesele vinganda vya mu cana muje mwakele Lote, wanukile cikulaeso cije wakulaesele Avilahama, co wovwele Lote.

Yombi 5:3

Njamwene vilema vaje vayoyele kuyoya kwakuvwa oloni vwasi-vwasi njasingile membo avo.

Yombi 8:15

Nga vajenjela a vwanda-nzili, kuma vwasa kuvakwata ndi? Nga vasakamena a vwanda, vwasa kuvakwata ngeci vemaneo ndi?’

Myaso 107:43

Voshe vaje vaka-mana vayongole a vyuma evi, vayongole cizemo ca Shukulu Kalunga cije kucesi kutenguluka.

Myaso 52:5

Ngecivene, Njambi akakunyongesa ku myaka yoshe, ikeye akakwambata nakukukokela anja ya njuvo yove, co akakutundisa mu lifuti lya vaka-kuyoya.

Visimo 13:6

Vushunga vunyunga uje kesi na mulonga, oloni vuvi vuwisa vaka-vuvi.

Visimo 14:11

Njuvo ya muka-vuvi ikanyonga, oloni mbalaka ya muka-vushunga ikakola mbe.

Visimo 14:32

Vaka-vuvi vakaliwisa vakevo vavenya a vilinga vyavo vya vuvi, oloni vaka-vushunga vali noku kwakutewela a kutsa kwavo.

Visimo 29:16

Omo vaka-vuvi vashwana, co milonga ituma, oloni vaka-vushunga vakamona kuwa kwa vaka-vuvi.

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

Amose 4:11

“Njanyongesele vamo veni ngwe munjanyongesele Sondoma na Ngomola. Co vamo veni vaje vaputumukileo vapwile ngwe cimbundi cakwenya cije civanatundisa mu liko. Nameme ngoco kumwelukile kuli yange.” Mwanendeka Shukulu Kalunga.

1 Kolinte 10:5

Oloni nameme ngoco Njambi kavwaelelele na vavangi, ngecivene, vivimbi vyavo vyalishandokelele mu mambo mwoshe.