Visimo 20:13 - Livulu lya Shukulu Kalunga

¹³ Nga uzema kulala tulo, ukayanda na njala, nga winduka nakupanga, co ukakala na vyakulya vyavingi.

Visimo 20:13 Iomraidhean Croise

Visimo 10:4

Kukala na vulwa kunena vuutu, oloni kupanga na nzili cikupwisa ufuki.

Visimo 12:11

Ndimi muka-kuundangana manene akakala na vyakulya vyavingi, oloni cinapu vulema kuviisila simbu a vyuma vyangoco.

Visimo 13:4

Mulwa nameme ashaka vati cuma oloni kakaciwana, oloni muka-kuundangana manene akawana vyuma vyoshe vije vyashaka.

Visimo 19:15

Vulwa vwasa kulalesa munu tulo twakama, munu wa cifwa eci akayanda na njala.

Visimo 20:14

Vaka-kulanda simbu yoshe vakalinyenge manene akulonda kwa vindando, oloni mamaneselelo aya na kulyalesa na vyuma vije vyanalanda.

Visimo 28:19

Nga upanga na nzili, co ukakala na vyakulya vyavingi, oloni nga uviisa simbu, co ukapwa kautu.

Visimo 31:15

Enduka omo kanda litangwa lituuke, mukuvwaesela naanga yendi vyakulya, nakuleka vangamba vendi va vambanda vije vivanapande kupanga.

Yona 1:6

Mukulunu wa vaka-kujavula vwato wamuwanenemo, co wamwihwile ngwendi, “Omwo vikajo unalalela tulo twangacije? Induka ulombele kuli njambi yove ngeci atukwase. Acimo atuzivilako mema ku mbunge, ngeci kesi tunyonge.”

Loma 12:11

Pangeni manene na nzili kesi mupwe volwa. Pangeleni Mwene nakulyakako na mbunge yoshe.

Loma 13:11

Yeni munapande kulinga ngacije, omwo mwazivuka ngweni simbu inete ngeci mwinduke mu tulo. Omwo simbu yakutwamena ili kuyehi kutuvakana muje muyakele omo twakulaelele akulivanga.

1 Kolinte 15:34

Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

2 Tesalonika 3:10

A simbu ije omo twakele amo neni, twamilekele ngwetu, “Woshe avyana kupanga kesi vamutavese kulya.”