Visimo 2:22 - Livulu lya Shukulu Kalunga

²² Oloni Njambi akasheka vaka-vuvi mu lifuti, vakapwa ngwe cimena civatukula mu livu.

Visimo 2:22 Iomraidhean Croise

1 Vimyene 14:14

Shukulu Kalunga akaka mwene weka mu Isalele uje akamanesa vumwene vwa Yelovowame.

1 Mizimbu 10:13

Saulu watsile omwo kakulaelele kuli Shukulu Kalunga. Ikeye kononokele kushika kwa Shukulu Kalunga, ikeye wesekele kuwana kunangula akwihula ku minzinzime ya vaka-kutsa,

Yombi 21:30

A litangwa lyakuluvala kwa Njambi nakuhisa, vaka-vuvi vakevo vakasalao.

Myaso 104:35

Vaka-vuvi vavanyongese ano asi, na vaka-kujeneka kukulaela kesi vakaleko lalo embwe! Mbunge yange ishangazale Shukulu Kalunga! Shangazaleni Shukulu Kalunga.

Myaso 145:20

Shukulu Kalunga akanyungu voshe vaje vamuzema, oloni vaka-vuvi akavanyongesa.

Myaso 37:20

Oloni vaka-vuvi vakanyonga, co lalo vitozi va Shukulu Kalunga vakaziluka ngwe vishani, vakahwa ngwe vwisi, co kuvakavamono lalo embwe.

Myaso 37:22

Vaje vanavezikisa Shukulu Kalunga vakashwana mu lifuti, oloni vaje vanasingi akavashekela anja.

Myaso 37:28

Omwo Shukulu Kalunga wazema vije vyavivwa, ikeye kesi kuseza vanu vendi vaje vamukulaela, co ikeye akavanyunga simbu yoshe, oloni vatekulwila va vaka-vuvi vakavashekela anja.

Myaso 52:5

Ngecivene, Njambi akakunyongesa ku myaka yoshe, ikeye akakwambata nakukukokela anja ya njuvo yove, co akakutundisa mu lifuti lya vaka-kuyoya.

Myaso 52:7

“Kengeni, munalume ou kakulaelele Njambi, oloni wakulaelele vufuko vwendi vwavungi, nakunyongesa vakwavo na muuka!”

Visimo 10:30

Vaka-vushunga simbu yoshe vakakala mwamuvwa, oloni vaka-vuvi kuvakakala mu lifuti.

Visimo 11:3

Nga unapu u muka-vushunga, kulongwa kukakutwamenena, oloni nga u munu wakuyoya kwa kupenga-penga, kupenga-penga kwove kukakunyongesa.

Kwituluka mu Mashiko 29:20

Shukulu Kalunga kakasambesa munu wa cifwa cangacije embwe, oloni vukalu vwa Shukulu Kalunga vukashukuma ali ikeye, co vukalu vwoshe vuvasoneka mu livulu eli vukawila ali ikeye noo Shukulu Kalunga akamunyongesa.

Kwituluka mu Mashiko 29:28

co Shukulu Kalunga waluvalele manene, co wavatundisile mu lifuti lyavo, wavombilile mu lifuti lyeka, mukemwo muvacili nakweta ku litangwa lya lelo.’

Kwituluka mu Mashiko 7:22

Shukulu Kalunga Njambi yeni akasheka miyati ije ili kulutwe lweni kamandondo-kamandondo. Kumukasa kuvanyongesa voshe mu simbu imolika embwe, kutewa tusitu vakasemunwina nakutuma, co vakamiyandesa.