Visimo 2:2 - Livulu lya Shukulu Kalunga

² Jendekela litwi lyove ku majwi a mana, aake mu mbunge nakuwazivisisa.

Visimo 2:2 Iomraidhean Croise

Myaso 90:12

Tulongese kulava matangwa etu, ngeci tukale na mbunge ya mana.

Visimo 18:1

Vanu vakujeneka kulizilila na vakwavo vakashaka lika kulinga mwaya cizango cavo, vakavyana vushunga vuje vuvazivuka vakwavo.

Visimo 2:3

Eyo, lomba mana, co lambelela kuzivuka vyuma.

Visimo 23:12

Aka mbunge yove ku vilongesa, na matwi ove ku majwi a mana.

Visimo 4:1

Vana vange, jendekeleni matwi eni kukunangula kwa ishweni. Tolilileni mwamuvwa ngeci muzivisise.

Visimo 4:20

Munange, jendekela matwi ove kukunangula kwange. Tolilila majwi ange.

Visimo 6:32

Oloni munu uje alinga vupangala kesi na mana. Alinakulinyongesa lika ikeye vavenya.

Muka-kwambulula 7:25

Njalikundikile ku mana nakulilongesa, co njashakele kuwana mana, nakukumbulula ku vihula vyange, nakulilongesa muvwafwa vuvi, na vulema.

Muka-kwambulula 8:16

Omo njesekele kupwa muka-mana na kulilongesa vije vilinakulingiwa ano asi, co njamwene ngeci njakele nakutona vutsiki na mutanya,

Muka-kwambulula 8:9

Njamwene vyoshe evi omo njayongwele vyuma vije vikalingiwa ano asi, aje ali vanu vamo vaje vali na nzili, co vamo valinakuyanda mwisi yavo.

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Mateo 13:9

Co Yesu wamanesele kwendeka ngwendi, “Uje woshe ali na matwi, azive!”

Vilinga vya Miluwa 17:11

VaYunda vakuje vapwile vakushokoloka ku vimbunge kutuvakana va ku Tesalonika. Omo vatolililile ku lijwi na vimbunge vyakuzituka, co a litangwa na litangwa valilongesele Visoneka kumona nga vije vyendekele Paulu vyapwile vya vushunga.