Visimo 19:21 - Livulu lya Shukulu Kalunga

²¹ Yetu vanu tukatumbu matumbe amangi, oloni Shukulu Kalunga lika ikeye alinga vije vyanayongola.

Visimo 19:21 Iomraidhean Croise

Kushangumuka 50:20

Yeni mwanjiyongwele kunjilinga mwamuvi, oloni vuvi ovu Njambi wavutengulwile kuvupwisa vuvwa, ngeci vanu vavangi vayoye, ava vacili nakuyoya na lelo lino, omwo a cuma eci calingiwile.

2 Samwele 17:14

Avisalome na vaIsalele voshe vendekele ngwavo, “Kunangula kwa Hushai kunapu kwakuvwa manene kutuvakana kunangula kwa Ahitofele.” Shukulu Kalunga wavwaesele ngeci kunangula kwakuvwa kwa Ahitofele kesi vacikave, ngeci vukalu vukaije ali Avisalome.

Esita 9:25

Oloni Esita waile kuli mwene, co mwene wasonekele mashiko ngeci vutumbe vwa Hamane vwavuvi vuje vwatumbilile vaYunda vumwilukile ikeye vavenya, co ikeye na vana vendi va vanalume vavashukikile a viti.

Yombi 23:13

“Ikeye kesi kutenguluka. Co naumo wai asa kumuyeluwisa, nambe kumuvindika vije vyashaka kulinga.

Myaso 21:11

Nameme vatumba matumbe avo amavi akumulwisa, oloni kuvakamufungulula embwe.

Myaso 83:4

Vendeka ngwavo, “Tuyeni tunyongese muyati wa Isalele, ngeci kesi kukakale umo akanuke lizina lyawo ku myaka yoshe!”

Visimo 12:2

Munu wamuvwa akawana kutetela kuli Shukulu Kalunga, oloni Shukulu Kalunga ahisa munu muka-matumbe amavi.

Visimo 16:1

Yetu vanu tukatumbu matumbe, oloni lijwi lya mamaneselelo lyapwa lya Njambi.

Visimo 16:9

Wasa kutumba matumbe ove, oloni Njambi ikeye atwamenena vilinga vyove.

Visimo 19:22

Kulongwa kukekwo vashaka muli munu, mwamuvwa kupwa kautu, kutuvakana kupwa munu wa makuli.

Visimo 21:1

Mbunge ya mwene yakala mu livoko lya Shukulu Kalunga, akayendesa ngwe muje mwakendesa mema a mu muta.

Visimo 21:30

Mana a vunu nakunyanyama nakuzivuka, kuvikwasa nga Shukulu Kalunga nakuvyana.

Muka-kwambulula 7:29

Kenga, njinawana cuma cimo cakupwa ngeci, Njambi watangele yetu vanu kupwa vaka-vushunga, oloni yetu omwo muuka wetu tunashakezeka vingila vyeka vyavivi.”

Isaya 14:24

Shukulu Kalunga Muka-nzili yoshe nalisingi cisingo ngwendi, “Vije vinjinayongola vikalingiwa, ngwe vene muje njinendeka.

Isaya 46:10

Tunde ku vushangumukilo, njendekele vati vyuma muvikafwa, ku san̄ulu njendekele vya vuka-kwimanena a vyuma vije vikalingiwa. Njendekele ngwange matumbe ange nalumo lwai akonwa, ngeci njasa kulinga vyuma vyoshe vinjayongola kulinga.

Njelemiya 44:29

Yange Kalunga, njikamyana cizivukiso ngeci njikamiilwisila mu mwela uno, co cikulaeso cange cakunena vukalu ali yeni cikapwa ca vushunga.

Ezekiyele 20:32

Munayongola ngeci mushaka kupwa ngwe miyati yeka, nakufwa ngwe vanu vaje vayoya mu mafuti eka nakulemesa tumponya twa viti na mamanya. Oloni eci kucikalingiwa embwe.”

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Efeso 1:11

Vyuma vyoshe vilingiwa kupwisa ngwe ku vutumbe vwa Njambi na viyongola vyendi, co Njambi watwangwile kupwa tu vana vendi muli Kilistu omwo a vutumbe vwendi, vuje nsina yavwo ikeyo inapu vije vyayongwele tunde akulivanga.

1 Petulu 2:8

Co visoneka vikwavo vyendeka ngwavyo, “Eli linapu limanya lyakutanukisa vanu, likelyo limanya lije likavawisa.” Vatanukile omwo kuvakulaelele ku lijwi, eci capwile cizango ca Njambi kuli vakevo.

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.