Visimo 19:12 - Livulu lya Shukulu Kalunga

¹² Kuluvala kwa mwene kwafwa ngwe kwaana kwa ndumba, oloni cizemo cendi cafwa ngwe nyonzi ya musanda.

Visimo 19:12 Iomraidhean Croise

Kushangumuka 27:28

Njambi akwane nyonzi yakutunda mwilu, mahya ove apwe a vwilo, akwane vimbuto vyavingi na vinyu!

2 Samwele 23:4

napu ngwe ceke ca mutondo omo litangwa lituuka mutondo omo kukwesi mashelwa, ngwe litangwa livyakumisa mwila omo nyonzi inavatuka.”

Esita 1:12

Oloni omo vangamba valekele Lishano Vashiti kushika kwa mwene, co lishano wavyanene kuyako. Eci caluvalesele manene mwene.

Esita 7:8

Co walyumbilile asi ku vulili vwa Esita nakumulomba ngeci amuzivileko mema ku mbunge. Omo mwene welukile kutunda mu citungu ca lipela, omo wamwene eci, co watambekele ngwendi, “Ou munalume anjutukile lishano ano vene nakulala nendi ku mesho ange mu lipela lyange vavenya ndi?” Co vwasi-vwasi omo mwene acili nakwendeka, vayunuke vafwikile Hamane ku mesho.

Myaso 133:3

Cinafu lalo ngwe lime lya ku Munkinda wa Helemone, lije lijemukila a malundu a Siyone, kuje Shukulu Kalunga wakulaesele kuvezikisa vanu vendi, kuvavezikisa mwonyo wa ku myaka yoshe.

Myaso 72:6

Mwene apwe ngwe nyonzi inyokela mu mahya, ngwe nyonzi ya vusuku-mbundu ije inyokela mu lifuti.

Visimo 20:2

Vukalu vwa mwene vunafu ngwe kwaana kwa ndumba, ou amushangumuna avulumuna mwonyo wendi.

Visimo 28:15

Mwene uje ayandesa vaka-kuutwa napu ngwe ndumba alinakwaana, nambe ngwe mbeya wa vukalu.

Muka-kwambulula 8:4

Omo lijwi lya mwene lili na nzili, iyajo asa kumwihula ngwendi, “Vikajo ulinakulinga ngeci?”

Isaya 18:4

Shukulu Kalunga wendekele kuli yange ngwendi, “Njikakenga asi na kwoloka kuluu oku njili mwilu, ngwe lime lilinakuwila asi vutsiki omo kuli ntwima a simbu ya kuteja, ngwe misha ya litangwa a simbu ya mutanya.

Ndanyele 5:19

Ikeye wapwile wakama manene ngeci vanu va mafuti oshe na miyati yoshe ya vanu na vaka-kwendeka mu vindaka vyeka vamutewele nakumuzivila lyova. Nga ashaka kutsiya munu, aje vene asa kumutsiya, nga ashaka kwamena munu, co aje vene asa kumwamena. Ikeye wasele kusingimika munu nambe kumupopolola.

Ndanyele 6:24

Asinoni mwene washikile lishiko ngeci vakwate vaje vanalume voshe vaje vavangelele Ndanyele, co vavanenele nakuvombila mu mbulu ya vindumba, amolika na vanakazi vavo, na vana vavo. Omo simbu kanda vete asi ya mbulu, vindumba vavalile voshe nakumbulukuta vitsiya vyavo.

Hoziya 14:5

Njikakala amo na vanu va mu Isalele ngwe nyonzi mu lifuti lyakuma. Vakashamuna ngwe vishani, co vakakola mbe ngwe mizi ya miti ya ku Lembanone.

Mika 5:7

Vanu va Isalele vaje vasaleleo vakapwa ngwe lime lyakutunda kuli Shukulu Kalunga lya a miyati yoshe ya vanu, ngwe nyonzi ya vusuku-mbundu ya a vimena. Vakakenga lika kuli Njambi, kesi kuli munu.

Kwituluka mu Mashiko 33:28

Ngecivene, vatekulwila va Yakomba vayoye mu kwoloka, vakale mwamuvwa mu lifuti lya vimbuto na vinyu, muje lime lya kwilu likajulisa asi.