Visimo 18:10 - Livulu lya Shukulu Kalunga

¹⁰ Shukulu Kalunga wapwa cimpaka ca nzili, muka-vushunga atewelako, co akovoka.

Visimo 18:10 Iomraidhean Croise

Kushangumuka 17:1

Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe,

Kushangumuka 32:11

Njakulombo, njamene kuli ndolome yange Isau. Njili na lyova ali ndolome yange kutewa omo aija akutunyongesa yetu voshe na vanakazi, na vanike.

2 Samwele 22:2

Shukulu Kalunga ikeye muka-kunjinyunga, ikeye wapwa cimpaka cange cakukola.

2 Samwele 22:3

Njambi yange ikeye wapwa cishwamo cange, muli ikeye mukemwo munjitewela. Ikeye wapwa ntelo yange, muka-kunjamena nakunjinyunga mwamuvwa. Ikeye muyoyesi wange, ikeye muka-kunjinyunga nakunjamena, ku vukalu vwoshe.

2 Samwele 22:51

Njambi akana kuhyana kwakama, kuli mwene uje yalyangwilile, ikeye amwesa cizemo cije kucesi kutenguluka kuli uje yanaangula, kuli Ndaviti na vatekulwila vendi ku myaka yoshe.

Myaso 144:2

Ikeye muka-kunjinyunga na muka-kunjamena, cimpaka cange na muyoyesi wange, muli ikeye njitewela. Ikeye anjifungulwila miyati yeka ngeci njivashwane.

Myaso 18:2

Shukulu Kalunga ikeye muka-kunjinyunga, ikeye wapwa cimpaka cange cakukola. Njambi yange ikeye wapwa cishwamo cange, muli ikeye mukemwo munjitewela. Ikeye wapwa ntelo yange, muka-kunjamena nakunjinyunga mwamuvwa.

Myaso 20:2

Akutumise vukwasi vwakutunda ku Njuvo yendi yakujela, nakukwana vukwasi vwakutunda ku Munkinda wa Siyone!

Myaso 27:1

Shukulu Kalunga ikeye ceke cange na muyoyesi wange, kunjikazivi lyova. Shukulu Kalunga ikeye muka-kunjamena ku vushonde vwoshe, kunjikatewe embwe.

Myaso 91:14

Njambi nendeka ngwendi, “Njikamena vaje voshe vanjizema, nakunyunga vaje vanjizivuka ngeci yange nji Kalunga.

Myaso 91:2

akendeka kuli ikeye ngwendi, “Yove wapwa vutewelo vwange na cimpaka cange! Yove wapwa u Njambi yange, kuli yove njinakulaela.”

Kutuuka 6:3

Yange njalisholwele kuli Avilahama, na kuli Isake, na kuli Yakomba, ngwe Njambi Muka-nzili yoshe, oloni lizina lyange lya Kalunga kuvalizivukile.

Visimo 14:26

Kukomoka Shukulu Kalunga mwakala kukulaela, nakukolesa kuli munu na naanga yendi.

Visimo 29:25

Kuzivila vanu lyova kunapu kulitela nganjo yove vavenya, oloni nga ukulaela kuli Shukulu Kalunga ukovoka.

Isaya 26:4

Kulaela kuli Shukulu Kalunga myaka yoshe, akatunyunga simbu yoshe.

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Njelemiya 23:6

Omo akapwa mwene, vanu va mu Yunda vakakala mwamuvwa, na vanu va mu Isalele vakayoya mu kwoloka. Vakamutumbula ngwavo, ‘Shukulu Kalunga Kwamena Kwetu.’ ”

Hambakuke 3:19

Shukulu Kalunga wa Akamwa ya Vyoshe ikeye muka-kunjana nzili. Ikeye muka-kuzambwisa mendi ange ngwe shonge, nakunjikwasa ngeci njishatuke a minkinda.

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Kujombolola 1:8

“Yange wakulivanga na muka-kukotokela,” mwanendeka Shukulu Kalunga Njambi Muka-nzili yoshe, uje aliko na uje wakeleko na uje akaija.

1 Samwele 17:45

Ndaviti wamukumbulwile ngwendi, “Ulinakwija kuli yange na mukwale, na likunga, na cimbuya, oloni yange njilinakwija kuli yove mu lizina lya Shukulu Kalunga Muka-nzili yoshe, Njambi ya mashwalale va Isalele uje unashaula.

1 Samwele 30:6

Co Ndaviti wakele mu vukalu vwakama manene, omwo vanu vendi voshe vazivile ku vimbunge kuvavala manene a vana vavo va vanalume na ava va vanakazi, co vashungwiiye kumwasha mamanya, oloni Ndaviti walitakamesele muli Shukulu Kalunga Njambi yendi.