Visimo 17:3 - Livulu lya Shukulu Kalunga

³ Ngolinde na siliva vakavyeseka na tuhya, oloni Shukulu Kalunga akeseka viyongola vya munu.

Visimo 17:3 Iomraidhean Croise

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

Yombi 23:10

Oloni Njambi azivuka ngila ije injilinakwenda, omo anjeseka, co njikatundamo ngwe ngolinde yakujela.

Yombi 28:1

Kuli vitapo vivakendi siliva. Co kuli mitambela kuje kuvakajelesela ngolinde.

Myaso 139:23

Njiilule ngeci uzivuke mbunge yange yove Njambi, njeseke, ngeci uwane viyongola vyange.

Myaso 26:2

Njiilule nakunjeseka yove Shukulu Kalunga. Eseka mbunge yange na viyongola vyange.

Myaso 66:10

Unatwilula yove Njambi, co unatweseka ngwe muvakeseka siliva mu tuhya.

Visimo 15:11

Nambe vukalo vwa vatsi, kuvwasa kuvindika Shukulu Kalunga kuzivuka vije vilimo, co munu asa kushweka vatijo viyongola vyendi ku mesho a Njambi?

Visimo 16:2

Twasa kusinganyeka ngeci yetu tuzivuka vika vinapu vya vushunga, oloni Shukulu Kalunga apeselesa viyongola vyetu.

Visimo 17:2

Ngamba wa mana akashika mwana uje azivisa shwamwa, ngamba wa cifwa cangacije akatambula vushwana amolika na mwana wa shukulu yendi.

Visimo 21:2

Vingila vya munu vyoshe vinapu vyakushungama ku mesho endi, oloni Shukulu Kalunga ikeye asompa vilinga.

Visimo 27:21

Ngolinde na siliva vavyeseka mu tuhya twa lutengo, oloni munu vakamweseka mukumushangazala.

Isaya 48:10

Njinamyeseka mu simbu ya tuyando twakama manene, ngwe muvakeseka siliva mu lutengo lwakama. Oloni njinawana ngeci kumwesi na seo.

Njelemiya 17:10

Yange Kalunga, nji muka-kweseka viyongola nakwilula vimbunge vya vanu, mukwana ku munu na munu kupwisa mu ngila yendi yakuyoyelamo, nakupwisa ku vipangi vya vilinga vyendi.”

Ezekiyele 22:18

“Muna munu, vaIsalele kuvesi na seo ku mesho ange. Vanapu ngwe vinyanya vya cikuvo, ngwe vutale, na citasu, na vunengu, na shumbu vije vyakusalao omo vanamanesa kuvwaesa siliva mu lutengo.

Ndanyele 11:35

Vantwama vamo va mana vakavatsiya, oloni vutumbe ovu vunapu vwakujelesa vanu. Eci cikalingiwa noo akukotoka, simbu ije yanemika Njambi.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Kwituluka mu Mashiko 8:16

Muje mu mambo Shukulu Kalunga wamyanene maana ngeci mulye, vyakulya vije vakukulwila veni kuvavizivukile, ngeci amyononwese nakumyeseka, ngeci kulutwe akase kumivezikisa na vyuma vyavivwa.

Kwituluka mu Mashiko 8:2

Co mukanuka vati Shukulu Kalunga Njambi yeni wamitwamenenene mu vungenzi vwa kulyala ngacije mukati ka mambo, a myaka makumi awana ngeci amyononwese nakumyeseka, mukuzivuka vije vyakele mu vimbunge vyeni nambe mwanyungile mashiko endi, nambe kumwawanyungile.

1 Petulu 1:7

Vutumbe vwa vyeseko evi vunapu kumwesa vukaleo ngeci kukulaela kweni kunapu kwa vushunga. Nambe ngolinde yasa kunyonga, vakayeseka na tuhya, kukulaela kweni lalo kuje kuli na seo yakama manene kutuvakana ngolinde, vanapande kuceseka ngeci kukakateye. Asinoni mukatambula cishangala na vumpau na kasingimiko a Litangwa lije omo Yesu Kilistu akasholoka.

Kujombolola 2:23

Co lalo njikatsiya vaka-kumukava, asinoni vikungulukilo vyoshe vikazivuka ngeci kuma yange uje azivuka viyongola vya vanu na vizango vyavo. Njikafweta umo na umo weni kupwisa ku vilinga vyendi.