Visimo 17:17 - Livulu lya Shukulu Kalunga

¹⁷ Vasamba vamwesa cizemo cavo simbu yoshe, vavushoko vanasemukila ngeci vamwene amo tuyando.

Visimo 17:17 Iomraidhean Croise

2 Samwele 1:26

“Njikulila yove ndolome yange Yonatana, njakuzemene manene! Cizemo cove kuli yange capwile cakukomokesa manene, capwile cakama manene kutuvakana cizemo ca vanakazi.

2 Samwele 15:21

Oloni Itai wamukumbulwile ngwendi, “Shukulu, njilisinga kuli yove mu lizina lya Shukulu Kalunga ngeci simbu yoshe njikaya amo nove kwoshe kuuyila, nameme kutsa, nameme kuyoya, ngamba yove nalivwaesa kuya amo nove.”

Esita 4:14

Nga yove woloka ngoco kuluu a simbu yakufwa ngwe ino, co zivuka ngwove vaYunda vakatambula vukwaso kweka, co yove na naanga ya isho mukanyonga. Oloni iyajo wazivukile ngwendi a simbu ino omo yove unapu lishano kukaija simbu yakufwa ngeci?”

Visimo 16:28

Vaka-vuvi vakashandola lufwe, co vashangumuna tuyando nakutsiya vusamba.

Visimo 18:24

Munu wa vasamba vavangi alinyongesa ikeye vavenya, oloni musamba wa vushunga wa a mbunge natuvakana kavushoko.

Visimo 19:13

Mwana wakweeva azivisa shwamwa ishe. Munakazi wa kanwa napu ngwe kundweka kwa mema a nyonzi ya mungole.

Visimo 19:7

Nga u kautu vavushoko vove vakuzinda, vasamba vove vakuzinda manene-nene, kuuvawana nameme nga uvashakezeka.

VaHevelu 2:11

Ikeye ajelesa vanu ku vuvi vwavo, co ikeye na vaje vanajelesa voshe vali na lshavo umolika. Ngeci Yesu kesi na shwamwa yakuvatumbula ngwendi vasamba vendi.

Lute 1:16

Oloni Lute wamukumbulwile ngwendi, “Kesi unjisindiye kwiluka kwimbo ngeci njikuseze embwe! Njitave njiye amo nove. Kwoshe kuukaya, nange kunjikaya, kwoshe kuje kuukakala, nange kunjikakala. Na vanu vove vakapwa vanu vange, co Njambi yove akapwa Njambi yange.

1 Samwele 18:3

Co Yonatana walikumiiye cikumiiyo na Ndaviti omwo wamuzemene manene ngwe mwalizema ikeye vavenya.

1 Samwele 19:2

co Yonatana walekele Ndaviti ngwendi, “Tate ashaka kukutsiya. Ngecivene, nyanyama imene mutondo-tondo, vanda ku mutambela umo, co ukakala kuje vene.

1 Samwele 19:3

Njikemana kuyehi na tate mu lihya muje muukavanda, njikamuleka vyove. Co nga kuli cuma cimo, co njikakuleka.”

1 Samwele 20:17

Co Yonatana wasingisile Ndaviti cikulaeso cakumuzema. Omwo Yonatana wazemene manene Ndaviti ngwe mwalizemene ikeye vavenya.

1 Samwele 23:16

Co Yonatana waile kuli Ndaviti nakumusimpisa mbunge ngeci Njambi akamunyunga,