Visimo 17:16 - Livulu lya Shukulu Kalunga

¹⁶ Omwo vikajo vilema vali na vimbongo vije vasa kulikwasa navyo mukulilongesa, oloni vakevo kuvesi na mana?

Visimo 17:16 Iomraidhean Croise

Visimo 14:6

Vanu vaka-kulyalesa kuvasa kupwa vaka-mana, oloni cacasi kuli vihwanga kulilongesa.

Visimo 18:15

Vaka-mana vali na cishota-mbunge cakuzivuka mana, co matwi a vaka-kunyanyama ashaka mana.

Visimo 23:23

Landa vushunga, na mana, na vilongesa, nakuzivisisa, co kesi ulyangunuke navyo.

Visimo 24:7

Visimo vya mana, vyapwa vyakulova manene kuli cilema kuvizivisisa. Ikeye kesi kwendeka omo vasimutwiya vin̄anda vyakama.

Hoziya 4:11

Shukulu Kalunga alinakwendeka ngwendi, “Vinyu vyalaja nevi vyaviha vijenekesa vanu vange mana!

Yowano 3:20

Omwo munu woshe alinga vyuma vyavivi azinda ceke kasa kwija ku ceke, omwo kashaka vilinga vyendi vyavivi ngeci visholoke.

Vilinga vya Miluwa 13:46

Oloni Paulu na Mbanambase vendekele nakusimpa ngwavo, “Cinapande ngeci lijwi lya Njambi valyendeke kuli yeni akulivanga. Oloni omwo mwalivyanene, co munaliyongola yeni vavenya ngweni kumwapandele kutambula mwonyo wa myaka yoshe, co tumiseza nakuya kuli vaje kesi vaYunda.

2 Kolinte 6:1

Ngecivene, njimilomba ngwange, mu vipangi vyetu vyakupanga amo na Njambi, yeni munatambula mema ku mbunge a Njambi, co kesi muvyecelele ngwe vyangoco.

Kwituluka mu Mashiko 5:29

Nga vakala na mbunge yangacije simbu yoshe yakunjizivila lyova nakunyunga mashiko ange, nga vakakala mwamuvwa myaka yoshe na vatekulwila vavo.