Visimo 17:14 - Livulu lya Shukulu Kalunga

¹⁴ Kushangumuka vimata kunapu ngwe mema azikuka mu lishali, ngecivene, likele kushangumuka vimata simbu kanda lwozi lushangumuke.

Visimo 17:14 Iomraidhean Croise

2 Samwele 19:41

VaIsalele voshe vaile kuli mwene nakwendeka kuli ikeye ngwavo, “Shukulu, omwo vikajo vandolome vetu, vanu va ku Yunda, vakwambatele nakukujavwisa Yondau, na naanga yove, na vanu vove?”

2 Mizimbu 13:17

Co Aviya na mbunga ya mashwalale vendi vatsiile manene vaIsalele, litambelo lya mashwalale va vaIsalele vakulwa mwamuvwa vapwile 500,000 vatsiile aje vene.

2 Mizimbu 28:6

Peka muna Lemaliya, wafungulwile Ahaze, co watsiile mashwalale vakupwa 120,000 vakusimpa va vaYunda mu litangwa limo. Shukulu Kalunga, Njambi ya vakukulwila vavo watavele ngeci eci cilingiwe, omwo vanu va mu Yunda vamuvyanene.

Visimo 13:10

Kulyalesa kunena vukalu, oloni mana ali muli vaje vatolilila kukuvanangula.

Visimo 14:29

Uje kesi kuluvala vwasi, ali na mana akama, oloni muka-mbunge ya vwasi-vwasi, akamwesa lika vulema vwendi.

Visimo 15:1

Kukumbulula kwakuvwa kwolwesa vukalu, oloni lijwi lyakuvavalesa mbunge, lishangumuna vukalu.

Visimo 16:32

Muka-kujeneka kuluvala-luvala wapwa wamuvwa manene kutuvakana muka-nzili, kulinyunga yove vavenya kwapwa kwakuvwa kutuvakana kushwana vinganda vyoshe.

Visimo 17:19

Kuzema vuvi kunapu kuzema tuyando, nga simbu yoshe ulyalesa ulikokela lika tuyando.

Visimo 19:11

Nga u muka-mana usimpa mukuluvala kwove, omwo mukweni akuviisila unapande kumusambesa.

Visimo 20:3

Capwa kasingimiko ku munu kulyenga ku lwozi, oloni vilema vashaka kulinga vimata.

Visimo 25:8

Kesi uzambwile kutwala mukweni ku mbanja. Nga mukaleo weka akawana ngeci yove u muka-mulonga, co ukaziva shwamwa yakama manene.

Visimo 26:21

Manungu akwenyuka amo na vitale vikashangumuna tuhya, na muka-lwozi lalo akashangumuka vimata.

Visimo 29:22

Vanu vaka-kuluvala-luvala vwasi, vakashangumuna lwozi na vimata.

Loma 12:18

Lingeni vyuma vyoshe ngwe mumunasela nakuyoya mu kwoloka kuli munu na munu.

1 Tesalonika 4:11

Pweni vaka-kuyoya mu kwoloka, akeni mana eni ku vyuma vyeni, nakupanga vyakulikwasa navyo yeni vavenya, ngwe muje twamilekeke laja.