Visimo 16:8 - Livulu lya Shukulu Kalunga

⁸ Mwamuvwa kukala na vyuma vyavindondo viwatambula na kulongwa, kutuvakana kukala na vyuma vyavingi viwatambula kwakujeneka kulongwa.

Visimo 16:8 Iomraidhean Croise

Myaso 37:16

Cuma cacindondo calinaco muka-vushunga cinatuvakana vufuko vwoshe vwa vaka-vuvi.

Visimo 15:16

Mwamuvwa kupwa u kautu oku ukomoka Shukulu Kalunga, kutuvakana kupwa u muka-kufuka, nakukala mu tuyando.

Visimo 15:17

Mwamuvwa kulisa visapa-sapa ku njuvo kuje kuli cizemo, kutuvakana kulisa situ ya mazi ku njuvo kuje kuli cizindo.

Visimo 16:7

Omo uvwaelelesa Shukulu Kalunga, nameme vitozi vove vapwa vasamba.

Visimo 16:9

Wasa kutumba matumbe ove, oloni Njambi ikeye atwamenena vilinga vyove.

Visimo 17:1

Mwamuvwa kulya livanda lyakuma lya likende mu kwoloka, kutuvakana kukala na ciwano mu njuvo muje muli lwozi.

Visimo 28:6

Mwamuvwa kupwa kautu na kulongwa, kutuvakana kufuka nakujeneka kulongwa.

Muka-kwambulula 4:6

Amo mukemwo, oloni mwamuvwa kukala lika na vyavindondo mu kwoloka kutuvakana kuungama visimbu vyoshe nakupanga na mavoko avali mukusheka lihunzi.

Njelemiya 17:11

Uje awana vufuko mu ngila yaivi, nalifu ngwe kazila atetula mavunda kesi endi. A simbu ya mutanya ya matangwa akuyoya kwendi akavuzimbalesa, co ku mamaneselelo akapwa cilema.

Mika 6:10

Mu vinjuvo vya vaka-vuvi muli vufuko vuje vawanene akujeneka kulongwa. Veseka seteko ya makuli, cuma cije cinjazinda.