Visimo 16:24 - Livulu lya Shukulu Kalunga

²⁴ Majwi amavwa anafu ngwe vuki, akuvwaelelesa nakukupwisa munu wa nzili.

Visimo 16:24 Iomraidhean Croise

Myaso 119:103

Majwi ove apwelelela mu kanwa kange, apwelelela manene kutuvakana ngenga ya vuki!

Myaso 19:10

Apwa amavwa manene, anatuvakana ngolinde yaivwa manene, nakutuvakana lalo vuki vwa mwenga.

Visimo 12:18

Kwendeka majwi a lishamena avinjisa ku mbunge ngwe munu vativi moko ya mukwale, oloni majwi akwendeka mwamuvwa akahwimisa mbunge.

Visimo 15:23

Kukumbulula cihula a simbu yaivwa, kunenela vanu kuvwaelela.

Visimo 15:26

Shukulu Kalunga wazinda viyongola vya vuvi, oloni akavwaelela na majwi a vaka-kujela mu vimbunge.

Visimo 17:22

Mbunge yakuvwaelela ikangwisa muvila, oloni mbunge yakulinyenga simbu yoshe iyondwesa muvila.

Visimo 23:16

Mbunge yange ikajolela omo njikakuziva wendeka majwi a mana.

Visimo 27:9

Mazi amavwa akunika mwamuvwa, avwaelelesa ku mbunge, na vusamba vwakukola vukwana nzili.

Visimo 3:8

Muvila wove ukakala mwamuvwa na nzili.

Visimo 4:22

Majwi awa akana mwonyo navukangule kuli munu woshe uje awazivisisa.

Muka-kwambulula 12:10

Muka-kwambulula wesekele kuwana majwi akuzembeleka, oloni majwi asonekele apwile a kulongwa.

Myaso ya Solomoni 4:11

Yove shombolwa yange, ku kanwa kove kukandweke ngwe ngenga ya vuki, mavele na vuki vyakala mwisi ya ndaka yove. Vweko vwa vuzalo vwove vunapu ngwe vweko vwa miti ya ku Lembanone.

Njelemiya 15:16

Omwo wendekele kuli yange, njatolililile majwi oshe nakuwononoka, omwo njapwa nji wove, yove Shukulu Kalunga Njambi Muka-nzili yoshe.

Kwituluka mu Mashiko 32:2

Vilongesa vyange vipwe ngwe mambase a nyonzi ije indwekela asi ngwe mume. Majwi ange akapwe ngwe nyonzi ije isukwila a vimbuto vya njovolwezi, ngwe kusukula kwa nyonzi ilinakunyokela a mwila wauvwa.

Kujombolola 10:10

Co njanonele kaje kalivulu kakandondo mu livoko lyendi nakukalya, co kapwile kakupwelelela mu kanwa kange ngwe vuki. Oloni omo njinakali, co katengulukile kupwa kakulula mwimo lyange.