Visimo 16:19 - Livulu lya Shukulu Kalunga

¹⁹ Mwamuvwa kulikeesa nakupwa u kautu, kutuvakana kulyalesa, nakupwa ufuki, nakwambata vyuma vyakupukula.

Visimo 16:19 Iomraidhean Croise

Myaso 138:6

Nameme yove Shukulu Kalunga, wakala akamwa yetu, oloni ulinakulela vaka-kulikeesa, co vaka-kulyalesa kuvasa kuvanda ku mesho ove.

Myaso 34:18

Shukulu Kalunga ali muyehi na vaje vanazeye mu vimbunge, ikeye amena vaje vanajeneka cinyangavili.

Kutuuka 15:9

Citozi wendekele ngwendi, ‘Njikavakava, co njikavakwata, njikaangununa vufuko vwavo, co njikambata vyoshe vinjishaka, njikashomona mukwale wange, co njikavanyongesa na livoko lyange.’

Visimo 1:13

Tukambata vufuko vwavo vwoshe vwakuliseza-seza, nakushulisa vinjuvo vyetu na vyuma vyakupukula!

Visimo 1:14

Ija ulipandakane netu, co tuvavoshe tukalipangela vije tukawana.”

Visimo 25:7

Cinapu cuma cacivwa nga mwene ikeye vavenya akwana mwela wa kasingimiko, kutuvakana yove kushauka ku mesho a vamyata va mwene.

Visimo 29:23

Kulyalesa kutwala kukunyonga, oloni nga ulikeesa, co vakakusingimiko.

Visimo 3:34

Shukulu Kalunga akayeluwisa vaje vamuyeluwisa, amwesa cizemo kuli vaka-kulikeesa.

Isaya 10:6

Njatumine Asilya nakulwisa muyati wa vaka-kujeneka kunjikulaela, vanu vaje vananjiluvalesa. Njavatumine mukupukula nakwiva nakulyatangela vanu ngwe mazilo a mu vitapalo.”

Isaya 53:12

Ngecivene, njikamwana mutambela wa kasingimiko, akati ka vanu va vulemu na nzili. Watavele kwana mwonyo wendi nakumulavela amo mu luvinda lwa vaka-vuvi. Vanu vamuyongwele ngwavo muka-vuvi, oloni wayandele omwo vuvi vwavo, co walombelele kuli Njambi ngeci Njambi avasambese.”

Isaya 57:15

“Yange Njambi wa Akamwa ya Vyoshe, na Njambi wakujela, uje wayoya myaka yoshe. Yange njayoya akamwa na ku mutambela wakujela, oloni njayoya lalo na vanu vaje valikeesa nakutenguluka, ngeci njiindule kusimpa kwavo na cinyangavili cavo.

Isaya 9:3

Yove Shukulu Kalunga unatumisa muyati wavo, vanavwaelela ku mesho ove ngwe muvakavwaelela vaka-kupanga omo vateja vimbuto, nambe ngwe muvakavwaelela mashwalale omo valipangela vufuko vwakupukula.

Mateo 5:3

“Vanavezika vaka-kuutwa mu munzinzime, omwo Vumwene vwa mwilu vunapu vwavo!

Maako 5:30

“Valinakushakezeka lika kuwana vyuma vyakupukula nakulipangelavyo, mumbanda umolika nambe vavali kuli lishwalale na lishwalale, na vuzalo vwavuvwa kuli Sisela, na vinanga vyakwola vya mu mukoshi wa vamwene.”