Visimo 16:1 - Livulu lya Shukulu Kalunga

¹ Yetu vanu tukatumbu matumbe, oloni lijwi lya mamaneselelo lyapwa lya Njambi.

Visimo 16:1 Iomraidhean Croise

2 Samwele 7:5

“Ya ukaleke ngamba yange Ndaviti ngwove, Shukulu Kalunga nendeka ngwendi, ‘Kesi yove ukanjitungila njuvo ngeci njikalemo embwe.

2 Mizimbu 18:31

Ngecivene, omo vakevo vamwene Mwene Njosefati, co voshe vayongwele ngwavo ikeye mwene wa mu Isalele, co vakevo vatengulukile nakumulwisa. Oloni omo Njosefati watambekele, co Shukulu Kalunga Njambi wamwamenene, watengulwile nzita waikengesele kweka.

Ezela 7:27

Ezela wendekele ngwendi, “Vamushangazale Shukulu Kalunga, Njambi ya vakukulwila vetu! Ikeye nalingisa mwene kukala na cizango cangacije, ngeci avwaese Njuvo ya Shukulu Kalunga eyi ili mu Yelusalema.

Nehemiya 1:11

Ngeci ololo Shukulu, tolilila ku lilombelo lya ngamba yove na ku malombelo a vangamba vove, ava vashaka kukusingimika. Vezikisa ngamba yove ku litangwa lya lelo, nakulingisa mwene ngeci anjizivileko mema ku mbunge.” A matangwa aje yange njapwile muka-kwana mwene vinyu.

Yombi 17:11

“Matangwa ange anahu, co matumbe ange anonwa, na cinyangavili cange cinahu.

Myaso 10:17

Yove Shukulu Kalunga, ukatolilila ku malombelo a vaka-kulikeesa, co ukavatakamesa.

Myaso 119:36

Tengulwila mbunge yange mukwononoka ku mashiko ove, co kesi itengulukile ku cipululu embwe.

Kutuuka 4:15

Ukendeka nendi nakumuleka evi vyanapande kwendeka. Co njikamikwasa muvuvali vweni akwendeka, njikamileka muvuvali vweni vimukalinga.

Visimo 15:33

Kukomoka Shukulu Kalunga, kulongesa munu mana, akulivanga unapande kulikeesa, asinoni uwane kasingimiko.

Visimo 16:9

Wasa kutumba matumbe ove, oloni Njambi ikeye atwamenena vilinga vyove.

Visimo 19:21

Yetu vanu tukatumbu matumbe amangi, oloni Shukulu Kalunga lika ikeye alinga vije vyanayongola.

Visimo 20:24

Kwenda kwa munu kwakala kuli Shukulu Kalunga, vatijo munu asa kuzivuka ngila yendi?

Visimo 21:1

Mbunge ya mwene yakala mu livoko lya Shukulu Kalunga, akayendesa ngwe muje mwakendesa mema a mu muta.

Njelemiya 10:23

Shukulu Kalunga, njazivuka ngeci munu ikeye vavenya na mana endi kasa kwangula ngila yaivwa ngeci endemo, munu ikeye vavenya kesi na nzili yakwenda mwoshe mwashakela.

2 Kolinte 8:16

Twakandelela kuli Njambi omwo natakamesa Tito na vakwavo ngwe mwatakamesele yetu lalo kumikwasa.

Filipu 2:13

omwo simbu yoshe Njambi alinakupanga muli yeni ngeci mukale na cizango, co ngeci mwase kwononoka vutumbe vwendi vavenya.