Visimo 15:9 - Livulu lya Shukulu Kalunga

⁹ Shukulu Kalunga akazivi vunyengwe a vingila vya vaka-vuvi, oloni wazema vanu vaje valinga vya vushunga.

Visimo 15:9 Iomraidhean Croise

Myaso 1:6

Mwa vushunga Shukulu Kalunga azivuka ngila ya vaka-vushunga, oloni ngila ya vaka-vuvi ikanyonga.

Myaso 11:7

Shukulu Kalunga wapwa wa vushunga, wazema vilinga vyavivwa, voshe vaje valinga mwamuvwa vakayoya nendi.

Myaso 139:24

Kenga muli yange nga muli cuma cimo cacivi, co njitwamenene mu ngila ije ya ku myaka yoshe.

Myaso 5:5

Vaka-kulyalesa kuvakemana ku mesho ove, yove wazinda voshe vaka-kulinga vuvi.

Visimo 15:10

Nga ulinga vya kupenga-penga, co vakakuhisa manene, nga kuutava kukunangula, co ukatsa.

Visimo 21:21

Munu uje alinga vushunga na ngozi, akawana mwonyo, na vushunga na kasingimiko.

Visimo 21:4

Vaka-vuvi valyalesa nakulyaka ku vukama, oloni evi vinapu vuvi.

Visimo 21:8

Ngila ya muka-milonga yapwa ya kupenga-penga, oloni vilinga vya muka-kulongwa vyapwa vyavivwa.

Visimo 4:19

Oloni ngila ya vaka-vuvi, inazivala vwii ngwe lisusulungu, vawila asi, oloni kuvamono vije vinavatanukisa.

Visimo 8:13

Kusingimika Shukulu Kalunga kukekwo kuzinda vuvi, yange njazinda kulyalesa nakulyaka ku vukama, njazinda lalo vingila vya vuvi na majwi a makuli.

Isaya 26:7

Shukulu Kalunga, ukavwaesela vaka-vushunga ngila yakushalama ngeci vendelemo.

Isaya 51:1

Shukulu Kalunga alinakwendeka ngwendi, “Tolilileni kuli yange, yeni mushaka kumyamena, yeni mwija kuli yange mukumikwasa. Yongoleni limanya kuje kumwatundile, na ku mbulu kuje kuvamiindile.

Isaya 51:7

“Tolilileni kuli yange, yeni muzivuka vije vya vushunga, yeni vanu vange munanyungu vilongesa vyange mu vimbunge vyeni. Kesi muzive lyova omo vanu vamishaula,

Njelemiya 44:4

Njakele nakumitumina vangamba vange vaka-kwimanena, vaje vamilekele ngwavo kesi mulinge cuma cije cakukomokesa cinjazinda.

Hoziya 6:3

Tulilongeseni kuzivuka Shukulu Kalunga. Mwa vushunga vene akaija kuli yetu ngwe kutuuka kwa litangwa, ngwe nyonzi a simbu ya ndombo ije ikajulisa livu.”

Hambakuke 1:13

Omo vikajo utavela vanu ava vaka-vuvi kulinga vuvi? Mesho ove apwa akujela kuwesi kukenga a vuvi, nambe kukenga vaka-vuvi ngeci valinge vyuma vyavivi. Ngecivene, omwo vikajo unolokela kuluu omo vaka-vuvi vanyongesa vanu vaka-vushunga kutuvakana vakevo?

Mateo 7:13

“Koveleni mu cikolo cacindondo, omwo cikolo cakama na ngila yakujanjavala viya kukunyongesa, co vavangi valinakuyamo.

Kwituluka mu Mashiko 7:13

Co ikeye akamizema nakumivezikisa, mukatuma nakukala na vana vavangi, na vimbuto mu mahya eni, na vimbuto vya vinona, na vinyu vyaviha, na mazi a olive, nakumyana vimuna vavangi, na vimanga vavangi. Ikeye akamyana vivezikiso vyoshe evi mu lifuti lije wakulaesele vakukulwila veni kumyanalyo.

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

2 Timateo 2:22

Tewa ku mashungu a vukwenje, pangela lika vushunga nakukulaela na cizemo na kwoloka, amolika na vaje vatambeka kuli mwene na vimbunge vyakujela.