Visimo 15:8 - Livulu lya Shukulu Kalunga

⁸ Shukulu Kalunga akazivi vunyengwe na vin̄ombelo vya vaka-vuvi, oloni avwaelela na malombelo a vaka-vushunga.

Visimo 15:8 Iomraidhean Croise

2 Samwele 15:12

Co omo wakombelelele vin̄ombelo, Avisalome watumine lalo vanu ku nganda ya Ngilo nakusana Ahitofele, uje wapwile umo wa vaka-kunangula Mwene Ndaviti. Co vutumbe vwakulwisa mwene vwakolele, vanu vakavangeyeye Avisalome vapwile vavangi.

1 Vimyene 3:10

Cavwaelelesele manene Shukulu Kalunga omo Solomoni walombele mana,

1 Mizimbu 29:17

Njazivuka ngeci yove Njambi yange ukeseka mbunge ya munu na munu, co ukazivi kuvwaa na vanu vaje vaka-vushunga. Yange njinaana vyoshe evi kuli yove na cizango, co yange njinamono vanu vove ava vanakunguluka kuno vanaana nakuvwaelela kuli yove.

Myaso 141:2

Lilombelo lyange lipwe ngwe insense ku mesho ove, tambula majwi ange anjilombela ngwe muukatambula n̄ombelo ya cingwenzi.

Myaso 17:1

Yove Shukulu Kalunga, tolilila mutambi wange wakukulambelela ngeci unjilingile vushunga, ziva mutambi wange wakunjikwasa! Ziva lilombelo lyange lya vushunga.

Visimo 10:24

Vaka-vushunga vakawana vivashaka, oloni vaka-vuvi vakawana vije vivajujwisa manene.

Visimo 15:29

Omo vaka-vushunga valombela, Shukulu Kalunga avatolilila, oloni kesi kutolilila ku malombelo a vaka-vuvi.

Visimo 15:7

Majwi a vaka-mana ashandola mana, oloni vikuyongola kwa vilema kesi kwa mana embwe.

Visimo 21:27

Shukulu Kalunga wazinda vin̄ombelo vya vaka-vuvi, vaje vamukombelela na matumbe a vuvi.

Visimo 21:3

Kulinga vushunga na vuvwa kuli na seo manene kuli Shukulu Kalunga, kutuvakana n̄ombelo.

Visimo 28:9

Munu uje kononoka lishiko, malombelo endi kuli Njambi anapu a vunyengwe.

Muka-kwambulula 5:1

Nyanyameni omo muya ku Njuvo ya Shukulu Kalunga, cinapu cacivwa kuya mukulilongesa kutuvakana kukombelela vin̄ombelo ngwe muvakalingi vilema, nameme vakevo kuvalingile vuvi.

Myaso ya Solomoni 2:14

Yove unafu ngwe katela uje wakala mu myanzi ya mamanya. Njimwese cihanga cove cacivwa, co njizive lalo lijwi lyove lyalivwa.

Isaya 61:8

Shukulu Kalunga alinakwendeka ngwendi, “Njazema vushunga, co njizinda vaka-kuyandesa na muuka. Njikana cikandelela vanu vange cakulikumiiya navo, cikumiiyo ca myaka yoshe.

Isaya 66:3

“Vanu valinakulinga ngwe mucavavwasela. Kuli vakevo vyoshe vyafwa mumo nambe vatsiya ngombe wa nkomba wa n̄ombelo nambe vakombelela munu, nambe vakombelela muna manga nambe vatukula mukoshi wa katali, nambe vaana n̄ombelo ya vimbuto vya vinona, nambe vakombelela maninga a vangulu, nambe vakombelela insense, nambe valombela ku kamponya. Vavwaelela a vingila vyavo vya vuvi vyakulemesa.

Njelemiya 6:20

Omwo vikajo vanjinenela insense yakutunda ku Shemba, nambe n̄undu yakutunda ku lifuti lya kulyala? Kunjikatambula vin̄ombelo vyavo nambe kuvwaelela navyo.

Ndanyele 9:23

Omo washangumukile kulambelela kuli Njambi, ikeye wakukumbulwile. Ikeye wakuzema, ngeci njinaija mukukuleka mucinalumbunukila cihula cove. Ololo tolilila mwamuvwa omo njikulumbunwina cimona eci.

VaLevi 7:18

Nga imo yasalao vakailya lyamucitatu, co Njambi kakatambula mulambu wa uje munu. Co uje mulambu kuvakaulavela kuli ikeye ngwavo unapu wauvwa embwe, oloni ukapwa mulambu wa vunyengwe, co munu woshe awulya, ngongo yendi.

Mika 6:6

Vikajo vinjikatwala kuli Shukulu Kalunga Njambi wa mwilu, omo njiya nakumulemesa? Kuma njasa kutwala vana va vingombe vavavwa manene mukwenyeka kupwa vin̄ombelo kuli ikeye ndi?

Mika 6:7

Kuma Shukulu Kalunga akavwaelela nga njimutwalela vimanga vavangi-vangi nameme mazi amangi a olive a kuhwa? Kuma njasa kumwana munange wa ntwatwa kupwa n̄ombelo yakufweta vuvi vwange ndi?

Hangai 2:14

Asinoni Hangai wendekele ngwendi, Shukulu Kalunga alinakwendeka ngwendi, “Cuma eci vene cinalifu na vanu va muyati ou, na vyuma vyoshe vivalinga, ngecivene, vyuma vyoshe vivakombelela a mutula vinapu vyakujwala.”

Malakiya 1:10

Shukulu Kalunga Muka-nzili yoshe nendeka ngwendi, “Nga umo weni ashoke mapito a ku Njuvo yange ngeci kesi mushwameke tuhya twakujeneka seo a mutula wange. Kunjavwaelelele neni, co kunjikatambula milambu ije imunena kuli yange.

Yowano 4:24

Njambi ikeye Munzinzime, co vaje vamulemesa, vanapande kumulemesa mu munzinzime na mu vushunga.”