Visimo 15:17 - Livulu lya Shukulu Kalunga

¹⁷ Mwamuvwa kulisa visapa-sapa ku njuvo kuje kuli cizemo, kutuvakana kulisa situ ya mazi ku njuvo kuje kuli cizindo.

Visimo 15:17 Iomraidhean Croise

Visimo 16:8

Mwamuvwa kukala na vyuma vyavindondo viwatambula na kulongwa, kutuvakana kukala na vyuma vyavingi viwatambula kwakujeneka kulongwa.

Visimo 17:1

Mwamuvwa kulya livanda lyakuma lya likende mu kwoloka, kutuvakana kukala na ciwano mu njuvo muje muli lwozi.

Visimo 21:19

Mwamuvwa kukala mu mambo, kutuvakana kukala na munakazi wa kanwa nakulinyenyeta.

Muka-kwambulula 4:6

Amo mukemwo, oloni mwamuvwa kukala lika na vyavindondo mu kwoloka kutuvakana kuungama visimbu vyoshe nakupanga na mavoko avali mukusheka lihunzi.

Mateo 22:4

Ngecivene, watumine vangamba vakwavo lalo kuli vaje vavalanyele ngwendi, ‘Kengeni, njavwaesa laja vyakulya vyange, vingombe vange na vimuna vange vakununa vanavatsii laja, co vyuma vyoshe vinavwaa laja. Ijeni ku ciwano ca vulo!’

Luka 15:23

Co neneni lalo muna ngombe wakununa, co mutsiyeni ngeci tulye nakulisamba tulinge ciwano!

Filipu 2:1

Myonyo yeni muli Kilistu ilinakumyana nzili, na cizemo cendi cilinakumizembeleka. Muli na kulitombola na Munzinzime, co muli na mbunge ya ngozi nakulitetela umo na mukwavo.

1 Yowano 4:16

Co yetu vavenya tunazivuka nakukulaela cizemo cije Njambi alinaco ali yetu. Njambi wapwa cizemo, co voshe vaje vayoya mu cizemo vayoya muli Njambi na Njambi ayoya muli vakevo.