Visimo 15:14 - Livulu lya Shukulu Kalunga

¹⁴ Vihwanga vakashaka kulilongesa, oloni vilema vanapwisamo na vulema vwavo.

Visimo 15:14 Iomraidhean Croise

Myaso 119:100

Omwo njapwa muka-kwononoka mashiko ove, njili na mana manene kutuvakana vaje vanayoyo myaka yaingi.

Myaso 119:97

Yange njazema manene mashiko ove! Co njikawayongola litangwa lyoshe.

Visimo 1:5

Visimo evi vyasa kuwezelela ku mana a vaje valinawo, vyasa kutwamenena lalo vaka-kulilongesa,

Visimo 12:23

Vaka-mana vakasimpi na vyuma vije vazivuka, oloni vilema vambulula lika vulema kwoshe-ikwoshe.

Visimo 15:15

Kuyoya kwa kautu, simbu yoshe kwapwa kwa kayando, oloni vanu vakuvwaelela, simbu yoshe vajolela mukuyoya kwavo.

Visimo 18:15

Vaka-mana vali na cishota-mbunge cakuzivuka mana, co matwi a vaka-kunyanyama ashaka mana.

Visimo 9:9

Cuma coshe cije wendeka na munu muka-mana, cikamunyanyamesa. Vyoshe vije viwuleka muka-vushunga, vikawezelela ku mana endi.

Isaya 30:10

Vendeka kuli vaka-kwimanena ngeci voloke kuluu ngwavo, “Kesi mutuleke vya vushunga. Tulekeni lika vyuma vyavivwa. Ambululeni lika vya makuli.

Isaya 44:20

Mana angacije vunene anapu ngwe kulya manungu. Viyongola vya munu ou vinapu vya vulema, vinamusevwisa, ngeci kukwesi seo lalo yai. Kanangukile ngeci ngwendi aka kamponya kanakwata mu livoko lyendi kukapwile njambi embwe.

Hoziya 12:1

“Vyuma vyoshe vije vivakalingi vanu va mu Isalele kutunda ku mutondo nakweta ku vutsiki kuvyesi na seo, co vinapu vyakunyongesa. Makuli na vilinga vya muuka vinatumu akati kavo. Co valinakulikumiiya cikumiiyo na vaAsilya, nakulinga nganyo na vaka-Ingito.”

Vilinga vya Miluwa 17:11

VaYunda vakuje vapwile vakushokoloka ku vimbunge kutuvakana va ku Tesalonika. Omo vatolililile ku lijwi na vimbunge vyakuzituka, co a litangwa na litangwa valilongesele Visoneka kumona nga vije vyendekele Paulu vyapwile vya vushunga.

2 Petulu 3:18

Oloni kakateyeni nakukola mu kutetela na mu mana vya Mwene yetu na Muyoyesi wetu Yesu Kilistu. Kuli ikeye kukale vumpau, ololo na ku myaka yoshe! Ewa.