Visimo 14:32 - Livulu lya Shukulu Kalunga

³² Vaka-vuvi vakaliwisa vakevo vavenya a vilinga vyavo vya vuvi, oloni vaka-vushunga vali noku kwakutewela a kutsa kwavo.

Visimo 14:32 Iomraidhean Croise

Kushangumuka 49:18

“Njavandamena kwamena kwove, yove Shukulu Kalunga.

Yombi 13:15

Cinyangavili cange coshe cinahu, ngecivene, nga Njambi anjitsiya, co kuli mulonga ndi? Yange njilinakwambulula mulonga wange kuli ikeye.

Yombi 18:18

Vakamusheka mu lifuti lya vaka-kuyoya, co vakamutundisa mu ceke nakumumbila mu lisusulungu.

Myaso 16:11

Unanjimwesa ngila itwala ku mwonyo, co njivwaelela kukala kuyehi nove, simbu yoshe njivwaelela akunyunga kwove.

Myaso 17:15

Oloni yange njikamona cihanga cove mu vushunga, co omo njikakasumuka mu tulo, njikajolela akumona cifwa cove.

Myaso 23:4

Nameme nga njenda mukati ka vutsiki mu lisusulungu, kunjikazivi lyova, Shukulu Kalunga, omwo yove uli amo nange! Mulamu wove na mbweti yove vinjizembeleka.

Myaso 37:37

Kenga ali muka- mulonga, na ali muka-vushunga, munu wa kwoloka wakala na vatekulwila vavangi,

Myaso 58:9

Mu vukalu vwendi Njambi akavapekumwina kulyala, oku vayoya, nakuvawisa simbu kanda vacizivuke, ngwe mwila wakukamba.

Myaso 73:24

Yove unjitwamenena na mana ove, co akukotoka ukanjitambula na kasingimiko.

Visimo 11:5

Kulongwa kulingisa muka-vushunga kuyoya mwamuvwa, oloni muka-vuvi akawa a vuvi vwendi vavenya.

Visimo 14:33

Kunyanyama kwakala ku munu uje ali na mana, oloni vilema kuvazivuka vya mana.

Visimo 24:16

Nameme muka-vushunga awa visimbu vitanu na vivali, akatukamo lalo, oloni vaka-vuvi tuyando tukavanyongesa.

Visimo 5:22

Vaka-vuvi vatsa mu ciliva cavo vavenya. Vatsa mu linimbwa lya vuvi vwavo vavenya.

Visimo 6:15

Omwo a eci, vwasi-vwasi n̄avava ikaija ali vakevo, co vakavulumuka manene kujeneka kukanguka.

Luka 2:29

“Ololo Shukulu Kalunga unanyungu cikulaeso cove, ololo tava ngeci ngamba yove atse mu kwoloka.

Yowano 8:21

Yesu wendekele lalo kuli vakevo ngwendi, “Njilinakuya, co mukanjishakezeka, oloni mukatsa mu vivi vyeni. Kumwasa kuya kuje kunjiya.”

Yowano 8:24

Mukemwo njamilekele ngwange mukatsa mu vivi vyeni. Omwo mukatsa mu vivi vyeni nga kumukulaela ngweni ‘Yange Ou Njapwa Munjapwa.’ ”

Loma 9:22

Co eci cinapu ca vushunga a vije vyanalingi Njambi. Njambi washakele kumwesa vukalu vwendi nakusholola nzili yendi. Oloni wasimpile nakuyanda ali vaje wakengele na vukalu, vaje wapandele kunyongesa.

2 Kolinte 1:9

Twayongwele ngwetu kutsa vene kuli ali yetu. Oloni eci calingiwile ngeci kesi tulikulaela yetu vavenya, oloni kuvanga ali Njambi lika muka-kusangula vatsi.

2 Kolinte 5:8

Tunasimpi manene ngeci tucili nakushaka manene kutunda mu njuvo ya muvila uno, ngeci tukatumbame na Mwene.

Filipu 1:21

Omwo mwonyo unapu vikajo? Kuli yange unapu Kilistu! Ngecivene, kutsa cikapwa nganyo kuli yange.

Filipu 1:23

Vananjikokela mu mitambela yoshe eyi ivali. Njishaka manene kuseza mwonyo ou njikakale amo na Kilistu, eci cikeco cinahyana manene,

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.

2 Timateo 4:18

Mwene akanjamene ku vipangi vyoshe vyavivi, co akanjambata mu kwoloka kunjitwala ku Vumwene vwendi vwa Mwilu. Kuli ikeye kukale vumpau ku myaka na myaka! Ewa.

Kujombolola 14:13

Asinoni njazivile lijwi lyatundile mwilu lyendekele ngwalyo, “Soneka ngwove, vanavezika vatsi vaje vatsila muli Mwene kutunda ku lelo!” Munzinzime Wakujela wakumbulwile ngwendi, “Mwa vushunga vanavezika! Vakevo vakahwima ku vipangi vyavo vije vaundanganene, omwo fweto ya vipangi vyavo ikavakava.”