Visimo 14:14 - Livulu lya Shukulu Kalunga

¹⁴ Vanu vavavi, vakawana vije vinavapande, vanu vavavwa, vakatambula cikandelela a vilinga vyavo vyavivwa.

Visimo 14:14 Iomraidhean Croise

Myaso 109:17

Wasingile vakwavo, co ikeye lalo apwe wakusinga! Kavezikisile vakwavo, co ikeye kesi vamuvezikise lalo!

Visimo 12:14

Cikandelela cove nambe kunyanyama kwove kunemana a vyuma vije wendeka, na vyuma vije ulinga.

Visimo 12:21

Nacimo cuma cacivi cai ciija kuli muka-vushunga, oloni vaka-vuvi vakawana lika tuyando.

Visimo 14:10

Mbunge na mbunge izivuka vukalu vwayo, co naumo wai asa kuvwaelela nayo.

Visimo 14:15

Cilema akatava cuma coshe-icoshe cije aziva, vaka-mana vakevo vazivuka kuje kuvaya.

Visimo 18:20

Majwi ove apwe amavwa, nga ulingamo, co ukamona ngeci unalingi cuma cacivwa.

Visimo 9:12

Yove ukavezika nga ukakala na mana, oloni nga uwavyana, co ukapwa munu muka-kuyanda.

Njelemiya 17:5

Shukulu Kalunga alinakwendeka ngwendi, “Njikasinga munu uje atunda kuli yange nakukulaela kuli munu wangoco, nakutundisa mbunge yendi kuli Shukulu Kalunga.

Njelemiya 2:19

Vuvi vwove vukakuhisa yove vavenya omwo unatundu kuli yange. Ngecivene, ukalilongesa vuvi na vunyengwe, akuseza yange Kalunga Njambi yove, kujeneka kunjisingimika. Yange Kalunga wa Akamwa ya Vyoshe, Muka-nzili yoshe, njinendekamo.”

Njelemiya 8:5

Omwo vikajo vanu vange mulinakutunda kuli yange kujeneka kwiluka? Mukakateya ku tumponya tweni, co munavyana kwiluka kuli yange.

Ezekiyele 22:31

Ngecivene, vukalu vwange vukakala ali vakevo omwo vije vivanalingi, co njikavanyongesa ngwe muje mutukanyongesa tuhya.” Shukulu Kalunga wa Akamwa ya Vyoshe nendekamo.

Hoziya 4:16

Vanu va mu Isalele vanakaluwisa manene vimbunge vyavo ngwe ngombe wa lwavo. Vatijo njasa kuvalisa ngwe vimanga mu mwila wauvwa?

Zefaniya 1:6

Njikanyongesa lalo vaje vanalikela kunjipangela, vaje kuvesi kwija kuli yange nambe kunjilomba ngeci njivatwamenene.”

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

Ngalatiya 6:4

Co umo na umo asompe futisi yendi vavenya. Nga ikeyo inapu yaivwa, asinoni alyalese a vije vyanalingi, kujeneka kuviseteka na vije vyanalingi munu weka.

Ngalatiya 6:8

Nga ukuna mu lihya lya cisemwa ca mashungu ove, ku cikeco ukakungulula na kuteja kutsa, nga ukuna mu lihya lya Munzinzime, ku Munzinzime ukakungulula na kuteja mwonyo wa myaka yoshe.

VaHevelu 3:12

Vakwetu vaka-kukulaela, nyanyameni ngeci mukati keni kesi mukale umo ali na mbunge yaivi yakujeneka kukulaela ngeci atunde kuli Njambi wakuyoya.