Visimo 14:10 - Livulu lya Shukulu Kalunga

¹⁰ Mbunge na mbunge izivuka vukalu vwayo, co naumo wai asa kuvwaelela nayo.

Visimo 14:10 Iomraidhean Croise

Kushangumuka 42:21

co valyendekesele akati kavo ngwavo, “Eyo, ololo tulinakuyanda ali vije vitwalingile kuli ndolome yetu. Twamumwene ali mu tuyando twakama manene omo watulombele ngeci tumukwase, oloni kutwamutolililile. Ngecivene, tuli mu tuyando otu ololo.”

2 Vimyene 4:27

oloni omo wetele kuli Elisha a Munkinda, watsikamene a mavuli kulutwe lwendi, co wakwatele Elisha ku mendi. Ngehazi washakele kumunakula, oloni Elisha wendekele ngwendi, “Mwecele. Kuma yove kuwamwene ngeci ali na vusiwa vwakama manene ndi? Oloni Shukulu Kalunga kanjilekeleo cuma cimo.”

Yombi 10:1

“Njajuka kuyoya. Njikalyendekela kukulinyenga kwange. Njikendeka vyakulinyenga vije vili mu mbunge yange.

Yombi 21:25

Co vamo kuvavwaelela, vakevo vakayoyo, co vatsa nakulinyenga ku vimbunge vyavo.

Yombi 7:11

Ngecivene, kunjasa kulikela kwendeka embwe! Njikatwalao kwendeka lika omwo ya vusiwa vuje vuli mu mbunge yange. Co njikatwalao kulinyenga omwo ya vukalu vwa mwonyo wange.

Yombi 9:18

Ikeye katava ngeci njihwime muku wange, ikeye nashulisa mwonyo wange na kayando.

Myaso 25:14

Shukulu Kalunga wapwa musamba wa vaje vamwononoka, co akakolesa cikumiiyo cendi navo.

Visimo 15:13

Omo vanu vanavwaelela, co vajola-jola, oloni omo vaviilila, co vazeya.

Visimo 18:14

Mbunge yove inapande kusimpa omo uvinja, oloni nacimo cai cikwasa nga mbunge yove izeya.

Ezekiyele 3:14

Asinoni Munzinzime wa Shukulu Kalunga wanjijundwile nakunjambata, co njaluvalele nakuviilila.

Yowano 12:27

“Ololo mbunge yange ilinakuyanda, co njendeka vika? Njendeke ngwange, ‘Tate, njamene ku simbu eyi ndi’? Oloni evi vikevyo vinjezilile, ngeci njiite mu simbu eyi ya tuyando.

Yowano 14:18

“Omo njiya kunjikamiseza enilika ngwe visiwa embwe, njikaija kuli yeni.

Yowano 14:23

Yesu wamukumbulwile ngwendi, “Woshe anjizema ononoke vilongesa vyange. Co Tate akamuzema, co tukaija nakukala muli ikeye.

Filipu 4:7

Co kwoloka kwa Njambi, kuje munu naumo wai asa kuzivisisa, cikanyunga vimbunge vyeni na viyongola vyeni mwamuvwa muli Kilistu Yesu.

1 Petulu 1:8

Yeni mwamuzema, nambe kumwamumwene, mwamukulaela, nambe a simbu ino kumwamumwene. Ngecivene, mulinakujolela na mbwase yakama ya vumpau ije kutwasa kuyitumbula,

Kujombolola 2:17

“Nga uli na matwi, tolilila vije vyalinakwendeka Munzinzime ku vikungulukilo! “Kuli vaje vahyana, njikavana maana yakushweka. Co lalo njikana umo na umo wavo limanya lyakutoka aje vanasoneka lizina lyaliha lije naumo wai alizivuka kuvanga uje vavenya alitambula.

1 Samwele 1:10

Hana wavavalesele manene mbunge yendi, co walilile manene nakulombela kuli Shukulu Kalunga.

1 Samwele 1:15

Oloni Hana wamukumbulwile ngwendi, “Embwe mwane, kunjapendele. Kunjesi kunwa! Njinakala nakulombela, nakwana tuyando twange kuli Shukulu Kalunga.