Visimo 12:5 - Livulu lya Shukulu Kalunga

⁵ Matumbe a vaka-vushunga apwa amavwa, oloni kunangula kwa vaka-vuvi kwapwa kwa makuli.

Visimo 12:5 Iomraidhean Croise

Myaso 119:15

Njililongesa mashiko ove, co njiilula vilongesa vyove.

Myaso 139:23

Njiilule ngeci uzivuke mbunge yange yove Njambi, njeseke, ngeci uwane viyongola vyange.

Visimo 11:23

Vaka-vushunga vakashungwiya vyuma vyavivwa, oloni vaka-vuvi vakakushungwiya lika vije vyavikalu.

Visimo 12:4

Munakazi wamuvwa napu cuma ca seo kuli munalume wendi, oloni munakazi uje azivisa shwamwa munalume wendi, napu ngwe mushongo wa lulanga mu vitsiya vya munalume wendi.

Visimo 12:6

Kunangula ca makuli capwa mweto wauvi, oloni kunangula ca vushunga capwa ngwe ntelo.

Visimo 14:8

Omwo vikajo munu wakunyanyama ali na mana? Omwo azivuka vije vyanapande kulinga. Omwo vikajo cilema wapwa cilema? Omwo akayongola ngeci azivuka vyuma.

Visimo 24:9

Viyongola vya vulema vyapwa vuvi. Vanu vazinda munu uje ashendumuna vakwavo.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Njelemiya 4:14

Yelusalema, kusha vuvi vuli mu mbunge yove ngeci wovoke. Visimbu vingaijo ukatumba matumbe amavi?

Njelemiya 9:3

Simbu yoshe vendeka makuli, makuli anatumu mu lifuti kumwesi vushunga embwe. Shukulu Kalunga nendeka ngwendi, “Vanu vange valinakulinga vuvi simbu yoshe, co kuvesi nakumba mbunge kuli yange Njambi yavo.”

Njelemiya 9:5

Voshe vakalikwisa umo na mukwavo, co naumo wai endeka vushunga, valilongesa kwendeka makuli, kuvakecela vuvi vwavo.

Mateo 2:16

Omo Helonde wamwene ngeci vaka-mana vaje vatundile mu ngangela vanamukwisa, waluvalele manene. Watumine mashwalale vendi ngeci vatsiye vanike voshe va vanalume vaje vakele mu Mbetelehema na mu membo akwatako, washikile ngeci vatsiye vanike vaje vakele na myaka ivali na vaje vavandondo, ngwe muje mwakon̄ele vaka-mana a simbu ije omo ngongonosi yasholokele.

Mateo 26:4

Co valingile munga ali Yesu ngeci vawane ngila imo yakumuseveleka nakumukwata ngeci vamutsiye.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.