Visimo 12:25 - Livulu lya Shukulu Kalunga

²⁵ Cishota-mbunge capwa citele cakulema, oloni majwi a ngozi anena kuvwaelela.

Visimo 12:25 Iomraidhean Croise

Myaso 38:6

Njakulama mwongo wange, njenda nakulila litangwa lyoshe.

Myaso 42:11

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange na Njambi yange.

Visimo 12:18

Kwendeka majwi a lishamena avinjisa ku mbunge ngwe munu vativi moko ya mukwale, oloni majwi akwendeka mwamuvwa akahwimisa mbunge.

Visimo 12:26

Muka-vushunga napu cimweso ku mukwavo, oloni ngila ya muka-vuvi ivazimbalesa.

Visimo 14:10

Mbunge na mbunge izivuka vukalu vwayo, co naumo wai asa kuvwaelela nayo.

Visimo 15:13

Omo vanu vanavwaelela, co vajola-jola, oloni omo vaviilila, co vazeya.

Visimo 15:15

Kuyoya kwa kautu, simbu yoshe kwapwa kwa kayando, oloni vanu vakuvwaelela, simbu yoshe vajolela mukuyoya kwavo.

Visimo 15:23

Kukumbulula cihula a simbu yaivwa, kunenela vanu kuvwaelela.

Visimo 15:30

Cihanga cakujola-jola, civwaelelesa mbunge, na muzimbu wauvwa, ukolesa muvila.

Visimo 16:24

Majwi amavwa anafu ngwe vuki, akuvwaelelesa nakukupwisa munu wa nzili.

Visimo 17:22

Mbunge yakuvwaelela ikangwisa muvila, oloni mbunge yakulinyenga simbu yoshe iyondwesa muvila.

Visimo 18:14

Mbunge yove inapande kusimpa omo uvinja, oloni nacimo cai cikwasa nga mbunge yove izeya.

Visimo 25:11

Lijwi lyalivwa lije vendeka lalo a simbu yaivwa, linapu ngwe cimweso ca ngolinde civanatumbika mu siliva.

Visimo 27:9

Mazi amavwa akunika mwamuvwa, avwaelelesa ku mbunge, na vusamba vwakukola vukwana nzili.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Zakaliya 1:13

Co Shukulu Kalunga wakumbulwile uje kangelo na majwi akuzembeleka,