Visimo 11:4 - Livulu lya Shukulu Kalunga

⁴ Vufuko vukapwa vwangoco a litangwa lyove lya kutsa, oloni kulongwa kwasa kwamena mwonyo wove.

Visimo 11:4 Iomraidhean Croise

Kushangumuka 7:1

Shukulu Kalunga wendekele kuli Nowa ngwendi, “Kovela mu vwato, yove na naanga yove yoshe, omwo njawana ngwange yove lika muka-vushunga ku mesho ange mu cisemwa eci coshe.

Yombi 20:28

Vufuko vwa mu njuvo yendi vukashandoka, co vukahwa a litangwa lya vukalu vwa Njambi.

Visimo 10:2

Vufuko vwakuwana mu ngila yaivi kuvwesi na seo, oloni kulongwa kwamena mwonyo wove.

Visimo 12:28

Vushunga vwapwa ngila yakuya ku mwonyo, co vuvi vwapwa ngila yakuya ku kutsa.

Visimo 6:34

Kuluvala kwa munalume omwo lifuwa lya munakazi wendi kumunenesa kulinga muuka, co kakala lalo na mema ku mbunge omo alinga shambandinga.

Isaya 10:3

Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Ezekiyele 14:14

Nameme nga vaje vanalume vatatu, Nowa na Ndanele na Yombi, vakelemo, nga vanamena lika myonyo yavo. Mukemwo mwanendeka Shukulu Kalunga wa Akamwa ya Vyoshe.

Ezekiyele 7:19

Vakombila ngolinde yavo na siliva mu vitapalo ngwe vishwashwa vyangoco, omwo siliva nambe ngolinde kuvyasa kuvaamena ku vukalu vwa Shukulu Kalunga. Kuvakavipangesa mukujawisa mashungu avo, nambe kushulisa mafu avo. Ngolinde na siliva vyavatwamenenene ku vuvi.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Mateo 16:26

Omwo nga munu afuka kaye koshe, oloni azimbalesa mwonyo wendi vika awanao? Mwa vushunga vene nacimo cai! Nacimo cai munu asa kwingisamo ngeci awane mwonyo wendi.

Luka 12:20

Oloni Njambi wendekele kuli ikeye ngwendi, ‘Ove cilema! Vutsiki vuno vene vakatambula mwonyo wove, co vyoshe evi unalitulikila yove vavenya vikapwa vyeya?’ ”

Loma 5:17

Mwa vushunga a vuvi vwa munu umolika kutsa kwashwanene omwo uje munu umolika. Oloni vyuma vije vinasholoka vyanalingi uje munu umolika, ikeye Yesu Kilistu vinahyana manene! Voshe vaje vanatambula kutetela kwa Njambi kwa myaka yoshe vanavapwisa vaka-vushunga ku mesho endi vakashwana mu mwonyo ali Kilistu.

1 Timateo 4:8

Omwo akupangesa muvila cili na seo kamandondo, oloni kupangesa vya munzinzime vili na seo yakama manene mu vyuma vyoshe, omwo muvuvali vwavyo vikulaesa kuyoya kwa lelo nakuyoya kwa kulutwe.