Visimo 11:24 - Livulu lya Shukulu Kalunga

²⁴ Vanu vamo vakapangesa vimbongo vyavo mwoshe muvashakela, oloni anga vacili na vufuko. Co veka vali na vun̄ondi, oloni anga vanapu lika vaka-kuutwa.

Visimo 11:24 Iomraidhean Croise

2 Mizimbu 31:10

co Azaliya Muka-kukombelela Wakama, mutekulwila wa Zandoke, wendekele kuli ikeye ngwendi, “Tunde aje vanu vashangumukile kunena vwana vwavo ku Njuvo ya Shukulu Kalunga, tulinakulya mwamuvwa nakukuta, co vyavingi lalo vinasalao. Shukulu Kalunga navezikisa vanu vendi.”

Myaso 112:9

Munu ou muka-vushunga aana vyuma vyendi kuli vaje vanajeneka na mbunge yendi yoshe, co ngozi yendi kuyesi kwonwa, oloni akapwa muka-nzili na kasingimiko.

Visimo 11:18

Vanu vavavi kuvasa kuwana cuma cimo, oloni nga ulinga mwa vushunga co ukawana cikandelela.

Visimo 11:23

Vaka-vushunga vakashungwiya vyuma vyavivwa, oloni vaka-vuvi vakakushungwiya lika vije vyavikalu.

Visimo 11:25

Pwa muka-kwana co ukavezika. Kwasa vakweni, co nove vakakukwasa.

Visimo 13:7

Vanu vamo vakalipwisa ngwe vaka-kufuka, oloni kuvesi na vufuko, co vamo vakalipwisa ngwe vaka-kuutwa, oloni vali na vufuko vwavungi.

Visimo 19:17

Uje akala na ngozi na tuutu alinakukumwisa Shukulu Kalunga, co Shukulu Kalunga akamwana cikandelela a vije vyanalingi.

Visimo 28:27

Uje aana vyuma ku vaka-kuutwa kakayanda embwe, oloni uje alalameka mesho endi ku vaka-kuutwa, co vanu vavangi vakamusinga.

Visimo 28:8

Uje awezelela vufuko vwendi na kakondweso, nakutambula vya munu mu ngila yalinyanyamena, co vufuko vwove vukaya kuli uje ali na ngozi na tuutu.

Muka-kwambulula 11:6

Kuna mbuto yove mutondo, co twalao nakupanga noo cingwezi. Iyajo azivuka? Amo vipangi vyove vikapwa vyakuvezika, na vimbuto vyove vikamena nakwima vyakulya.

Hangai 1:6

Yeni mwalimine vimbuto vyavingi manene, oloni mwatejele vyavindondo lika. Muli na vyakulya ngeci mulye, oloni kumwapwisilemo ngeci mukute. Muli na vinyu ngeci munwe, oloni kumwapwisilemo ngeci mupende! Mulinakuzala, oloni kumwesi nakuziva ntwima embwe. Co lalo muka-kupanga kesi nakuwana cuma cakumuyoyesa.

Malakiya 3:8

Kuma munu asa kwivila Njambi ndi? Oloni mulinakunjivila. Co mwihula ngweni, ‘Tulinakukwivila vatijo?’ Akunjana cavulikumi na vin̄ombelo.

Luka 6:38

Aneni vakweni, co Njambu akamyana. Mwa vushunga vene, mukatambula vyavingi, vukwasi vwakushemutukwa, vakavwaka mu mavoko eni, vukwasi vuje vwoshe mwasa kukwata. Seteko ije musetaka nayo vakweni, ikeyo lalo yakamiseteka nayo Njambi.”

Kwituluka mu Mashiko 15:10

Mukavane ngoco na mbunge imo, omwo a cuma eci Shukulu Kalunga Njambi yeni akamivezikisa mu vipangi vyeni vyoshe na mu vyuma vyoshe vimukalinga.