Visimo 10:21 - Livulu lya Shukulu Kalunga

²¹ Majwi a muka-vushunga ahwimisa vimbunge vya vanu vavangi, oloni nga u cilema, co wasa kulitsiya lika yove vavenya a mana.

Visimo 10:21 Iomraidhean Croise

Yombi 23:12

Simbu yoshe njikalingi vije Njambi avishika, co njikalingi cizango cendi, kesi cizango cange embwe.

Myaso 37:30

Majwi a munu wamuvwa apwa a mana, co ikeye akendeka vushunga simbu yoshe.

Visimo 1:29

Omwo yeni mwazinda mana, co kumwakomokele Shukulu Kalunga.

Visimo 1:31

Ngecivene, mukawana vije vimwashakele, co mukakuta na vilinga vyeni.

Visimo 1:32

Vaka-kujeneka kuzivuka, vakatsi omwo vakavyana mana.

Visimo 10:11

Majwi a muka-vushunga anapu lisima lya mwonyo, oloni vuvi vunavanda mu majwi a vaka-vuvi.

Visimo 12:18

Kwendeka majwi a lishamena avinjisa ku mbunge ngwe munu vativi moko ya mukwale, oloni majwi akwendeka mwamuvwa akahwimisa mbunge.

Visimo 15:4

Majwi a ngozi apwa cemba cacivwa, oloni majwi a vukalu, akavavalesa ku mbunge.

Visimo 15:7

Majwi a vaka-mana ashandola mana, oloni vikuyongola kwa vilema kesi kwa mana embwe.

Visimo 17:16

Omwo vikajo vilema vali na vimbongo vije vasa kulikwasa navyo mukulilongesa, oloni vakevo kuvesi na mana?

Visimo 5:12

co ukendeka ngwove, “Omwo vikajo njazindile kunjinangula? Omwo vikajo kunjatavelele ngeci munu anjendekele?

Visimo 5:2

Asinoni ukazivuka mwamuvwa kasingimiko, co majwi ove akamwesa ngeci kuma uli na mana.

Visimo 5:23

Vaka-vuvi vatsa omwo kuvesi kulinyunga vakevo vavenya. Vulema vwavo vuvatwala ku mbumbo.

Visimo 6:32

Oloni munu uje alinga vupangala kesi na mana. Alinakulinyongesa lika ikeye vavenya.

Muka-kwambulula 12:11

Visimutwiya vya vaka-mana vinapu ngwe viti vyakushongomoka vije vivakalikwasesa tunyungi mukutwamenena vimanga, co visimo vyoshe vinapu ngwe vimbambo vyakupameyeya manene. Njambi Kanyungi ketu tuvavoshe ikeye natwana evi visimo.

Isaya 5:13

ngecivene, vakamitwala ku mafuti eka kupwa vinzinda. Vantwama veni vakatsa ku njala, co vanu vangoco vakatsa ku lihwila.

Njelemiya 15:16

Omwo wendekele kuli yange, njatolililile majwi oshe nakuwononoka, omwo njapwa nji wove, yove Shukulu Kalunga Njambi Muka-nzili yoshe.

Njelemiya 3:15

Njikamyana vaka-kushwana vaje vanjononoka, co vakamishika na mana nakuzivisisa.

Hoziya 4:6

Vanu vange vali na luvinda omwo kuvesi nakunjononoka. Yeni vaka-kukombelela munavyana kunjononoka, co lalo munavyana vilongesa vyange, ngecivene, njikamivyana, co kunjikatava vana veni kupwa vaka-kukombelela vange.

Mateo 12:35

Munu wamuvwa ikeye muka-kusholola vyuma vyavivwa ku vufuko vwendi vwavuvwa vwa mu mbunge, co munu wamuvi akasholola vyuma vyavivi ku vufuko vwendi vwavuvi vwa mu mbunge.

Mateo 13:19

Voshe vanu vaje vaziva majwi awa a Vumwene vwa Njambi oloni kuvawazivisisa, vanapu ngwe vimbuto vije vyawililile kumukulo wa ngila. Uje Muka-vuvi aija nakunyangulamo vije vivakuvile muli vakevo.

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

1 Petulu 5:2

pweni tunyungi va vutanga vuje vwanamyana Njambi, co vunyungeni na cizango cacivwa, ngwe mwanashaka Njambi ngeci mulingemo, kesi ngwe nakumisindiya. Lingeni vipangi vyeni, kesi ngwe omwo fweto embwe, oloni na cizango cacivwa cakupanga.