Visimo 1:7 - Livulu lya Shukulu Kalunga

⁷ Kukomoka Shukulu Kalunga, kukekwo vushangumukilo vwa mana. Oloni vilema vakevo vayeluwisa mana nakuyeluwisa lalo vilongesa.

Visimo 1:7 Iomraidhean Croise

Yombi 28:28

“Njambi wendekele kuli vanu ngwendi, ‘Kupwa vaka mana, munapande kukomoka Shukulu Kalunga. Co mukuzivisisa, munapande kutunda ku vuvi.’ ”

Myaso 111:10

Kukomoka Shukulu Kalunga kunapu vushangumukilo vwa mana, voshe vaje vanyunga mashiko endi vali na mana. Vashangazale Shukulu Kalunga ku myaka yoshe!

Visimo 1:22

“Visimbu vingaijo eni vilema mukatwalao kulinga vulema? Visimbu vingaijo mukalikela kutomba nakujola mana? Kuma kumulilongesa ndi? Njimyana kunangula kwakuvwa nakumyana mana ange.

Visimo 15:32

Nga uvyana kulilongesa, ulinakuliyeluwisa lika yove vavenya, oloni nga utava kukunangula, co ukapwa muka-kunyanyama.

Visimo 15:33

Kukomoka Shukulu Kalunga, kulongesa munu mana, akulivanga unapande kulikeesa, asinoni uwane kasingimiko.

Visimo 15:5

Cinapu vulema kwombwanesa vije vyakulongesa isho, oloni cinapu cuma cacivwa kunyunga kunangula kwendi.

Visimo 18:2

Cilema kesi na mulonga nambe nga azivisisa cuma nambe nga kacizivisisa, oloni ikeye akashaka lika kumwesa viyongola vyendi.

Visimo 2:5

Ukazivuka mucinalumbunukila kukomoka Shukulu Kalunga, ukawana lalo mana akuzivuka Njambi.

Visimo 23:9

Kesi wendeke na cilema, omwo kasa kuvwaelela na majwi a mana.

Visimo 9:10

Kwononoka Shukulu Kalunga, cikeco vushangumukilo vwa mana. Nga uzivuka Njambi Wakujela, co unapu muka-kuzivisisa.

Muka-kwambulula 12:13

A vyoshe evi kuli cuma cimolika cakwendeka, cikeco eci, singimika Njambi, co ononoka mashiko endi, omwo evi vyoshe vikevyo vivatangelele munu.

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

Kwituluka mu Mashiko 4:6

Ngecivene, ononokeni mashiko, co eci cikamwesa vanu va miyati yeka mana eni. Omo vakaziva mashiko oshe awa, co vakendeka ngwavo, ‘Mwa vushunga muyati ou vali na mana nakuzivisisa kwakuvwa!’