Vilinga vya Miluwa 2:3 - Livulu lya Shukulu Kalunga

³ Asinoni vamwene vije vyafwile ngwe vindaka vya milangi ya tuhya vyalyangunukile, co vyakele ali umo na umo.

Vilinga vya Miluwa 2:3 Iomraidhean Croise

Kushangumuka 11:6

Co Shukulu Kalunga wendekele ngwendi, “Kengeni! Ava voshe vanapu vanu vamo, co vakevo valinakwendeka muyati umo, eci cinapu vushangumukilo vwa vyuma vije vivakalinga. Co ololo vakasa kulinga cuma coshe civashaka kulinga!

Myaso 55:9

Zimangana viyongola vya vitozi vange yove Shukulu Kalunga, tanganesa matumbe avo, omwo njinamono vunyengwe na vinzita mu nganda.

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Njelemiya 23:29

Majwi ange apwa ngwe tuhya, co lalo apwa ngwe muveto uje utavozola mamanya vimbazuvwila-mbazuvwila.

Mateo 3:11

Njimimbwitika mu mema mukumwesa kutenguluka kwa vimbunge vyeni, oloni owo akaija munima yange akamimbwitika na Munzinzime Wakujela na mu tuhya. Ikeye wakama kutuvakana yange, nameme vin̄aku vyendi kunjivyasa kuvyambata.

Mateo 3:15

Oloni Yesu wamukumbulwile ngwendi, “Njitave ololo vene omwo catupande kupwisamo vushunga vwoshe.” Co Yowano wamutavele.

Luka 24:32

Co valyendekesele umo na mukwavo ngwavo, “Kuma vimbunge vyetu kuvyezukile omo nakele nakwendeka netu mu ngila nakutunungulwila vya mu Visoneka ndi?”

Vilinga vya Miluwa 1:15

Omo kwetile matangwa amandondo lika, co kwakele cikungulukilo ca vaka-kukulaela, voshe vapwile 120, co Petulu wemanene nakwendeka ngwendi,

Vilinga vya Miluwa 2:11

vaYunda na ava kesi vaYunda vaje vakakava futisi ya vaYunda, co vamo vetu vatunda ku Kelete na ku Alambiya, yetu tuvavoshe tulinakuziva vendeka mu vindaka vyetu vyuma vyakukomokesa vije vyanalingi Njambi!”

Vilinga vya Miluwa 2:2

Vwasi-vwasi kwilu kwatundile cililimo ngwe kuhuwa kwa lihunzi lyakama, co cashulisile njuvo yoshe muje muvatumbamene.

Vilinga vya Miluwa 2:4

Co voshe vashulile na Munzinzime Wakujela, co vashangumukile kwendeka mu vindaka vyeka ngwe omo Munzinzime wavasesele ngeci vendeke.

1 Kolinte 12:10

Munzinzime aana munu umo nzili yakulinga vizivukiso, kuli weka vwana vwakwambulula lijwi lya Njambi, co kuli weka lalo nzili yakulumbununa kutepesa akati ka mavwana aje atunda kuli Munzinzime na aje kuwatundile kuli ikeye. Kuli munu umo amwana nzili yakwendeka vindaka vyaviha, kuli weka lalo amwana nzili yakulumbununa vindaka vyaviha vije vendeka.

Yakomba 3:6

Co ndaka inapu ngwe tuhya. Inapu ngwe kaye ka vuvi, kanashwana mu mivila yetu nakushandwela vuvi mukuyoya kwetu kwoshe! Ishwameka yoyesi yetu yoshe na tuhya tuje tutunda mu mbulu ya tuhya.

Kujombolola 11:3

Co njikatuma vakaleo vange vavali, vakazala vikeleya, co vakambulula muzimbu wa Njambi a matangwa aje akupwa 1,260.”

Kujombolola 14:6

Asinoni njamwene kangelo mukwavo alinakupulula mwilu a mukambwila, na lijwi lya Vin̄anda Vyavivwa vyakwambulula kuli vanu va ano asi na ku mafuti oshe ku miyati yoshe na ku vindaka vyoshe na ku vanu voshe.