Vilinga vya Miluwa 1:9 - Livulu lya Shukulu Kalunga

⁹ Omo vamanesele kwendeka vyuma evi, vamutwalele mwilu oku vamukengelela, co lishelwa lyamufwikile kuvamumwene.

Vilinga vya Miluwa 1:9 Iomraidhean Croise

Myaso 68:18

Omo walondele a munkinda waulaja, waile na vinzinda vavangi, co watambwile vwana kuli vanu vaka-kutengulukila. Shukulu Kalunga Njambi akakala kuje.

Kutuuka 19:9

Shukulu Kalunga wendekele kuli Mosesa ngwendi, “Njikaija kuli yove mu lishelwa lya kuhima, co vanu vakanjiziva omo njikendeka nove, co vakakukulaela kutunda ku lelo nakutwala ku simbu yoshe.” Mosesa walekele Shukulu Kalunga vije vivakumbulwile vanu,

Kutuuka 34:5

Shukulu Kalunga washulukilile mu lishelwa, wakwimanene amo na Mosesa, co walitumbwile ikeye vavenya lizina lyendi lyakujela lya Shukulu Kalunga.

Isaya 19:1

Awa akewo majwi aa Ingito. Shukulu Kalunga aija ku Ingito, nalondo a lishelwa aija lumbisi. Vanu vanazeye omwo lyova. Co tumponya twavo vanalijujukila.

Ndanyele 7:13

Mu cimona cange ku simbu ya vutsiki, njamwene umo wakulifwa ngwe munu. Ikeye wakele nakushwenya kuli yange, co mashelwa amuzengelekele, co waile kuli uje wakala ku myaka yoshe.

Mako 16:19

Ngecivene, omo Mwene Yesu wamanesele kwendeka navo, co vamutwalele mwilu, co watumbamene ku livoko lya cilyo lya Njambi.

Luka 21:27

Asinoni Muna Munu akasholoka akaija a mashelwa na nzili yakama na vumpau.

Yowano 6:62

Asinoni vatijo nga mumona Muna Munu eluka ku mutambela kuje kwakele laja?

Vilinga vya Miluwa 1:11

co vendekele ngwavo, “Eni vanalume va ku Ngalileya, omwo vikajo munemanena kuno nakukenga mwilu? Yesu ou vene, ivanatwala mwilu kutunda kuli yeni, akeluka lalo mu cifwa cije vene munamumono ayanaco mwilu.”

Vilinga vya Miluwa 1:2

nakweta a litangwa lije vamutwalele mwilu. Simbu kanda vamutwale mwilu, washikile na nzili ya Munzinzime Wakujela vanalume vaje vaangwile kupwa miluwa vendi.

1 Tesalonika 4:17

asinoni yetu tucili nakuyoya a simbu ije vakatukungulwila amo navo mu mashelwa nakuliwana na Mwene a mukambwila. Co tukakala amo na Mwene simbu yoshe.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

Kujombolola 1:7

Kengeni, alinakwija a mashelwa! Vanu voshe vakamumona, amolika na vaje vamutivile makunga. Miyati yoshe ya ano asi vakalila mbimbi-mitwe omo vakamumona. Mwa vushunga cikapwa ngacije vene! Ewa.

Kujombolola 11:12

Asinoni vaje vaka-kwimanena vavali vazivile lijwi lyakama lyakutunda mwilu lyendekele kuli vakevo ngwalyo, “Ijeni kuno kwilu!” Co valondele mwilu mu lishelwa oku vitozi vavo vanavakengelela.

Kujombolola 14:4

Vanapu vanalume vaje vanalinyungu vakevo vavenya kujeneka kulijwalesa na vanakazi, vapwile vaje kanda valimone na vanakazi. Vakakavangeya Muna Manga kwoshe kuje aya. Vanavakulu kutunda akati ka miyati ya vanu voshe, co vanapu vakulivanga kuvana kuli Njambi na kuli Muna Manga.