VaLevi 8:4 - Livulu lya Shukulu Kalunga

⁴ Co Mosesa walingile ngwe muje mwamushikile Shukulu Kalunga, omo mbunga yakungulukilile ku cikolo ca Mbalaka,

VaLevi 8:4 Iomraidhean Croise

Kutuuka 39:1

Co vatongelele vaka-kukombelela vuzalo vwavuvwa vwa ulu yakuzivuluka, na yakuvenguluka, na yakuvenga, vyakuzala omo vapangele mu Mwela Wakujela. Co vatongelele Alone vuzalo vwakujela vwa vuka-kukombelela, ngwe muje Shukulu Kalunga washikile Mosesa.

Kutuuka 39:21

Ngwe muje Shukulu Kalunga washikile Mosesa, co vakutiiye makulo a kananga ka a nulo ku makulo aa kangamuna na mukole wakuzivuluka, ngeci kaje kananga ka a nulo kakele akamwa ya mwiva wa kandombe wakwosha mwamuvwa ngeci kesi kashengenye.

Kutuuka 39:26

Vingenjo na mapomingilanete vavishovasanene nakuvizengeleka kumukundwilo wa cikoveyo ngwe muje Shukulu Kalunga washikile Mosesa.

Kutuuka 39:29

na mwiva wa kandombe wa nanga yaivwa ya linyu, na ulu yakuzivuluka, na yakuvenguluka, na yakuvenga, vyakushoveya nakushelasana, ngwe muje Shukulu Kalunga washikile Mosesa.

Kutuuka 39:5

Voshele mwamuvwa mwiva wa kandombe na vinanga vyakulifwa na kangamuna, co vautongelele a kangamuna ngeci vyapwile cuma cimo, ngwe muje Shukulu Kalunga washikile Mosesa.

Kutuuka 39:7

Co vatwakele a tumiva twa a vitsili vya kangamuna, twimanene miyati likumi na ivali ya Isalele, ngwe muje Shukulu Kalunga washikile Mosesa.

VaLevi 8:13

Asinoni Mosesa washwenyesele vana va Alone kulutwe nakuvazika visanya, co wavazitikile miva ya tundombe mu vimbunda vyavo, co wavazikile tukofwi ku mitwe yavo, ngwe muje mwamushikile Shukulu Kalunga.

VaLevi 8:17

Oloni ngombe wa nkomba, amo na cilambu cendi, na situ yendi, na mila yendi, amo na vufwati, wavyenyekelele anja ya cilombo, ngwe muje mwamushikile Shukulu Kalunga.

VaLevi 8:29

Asinoni Mosesa wanonele n̄undo, co waikombelelele kupwa vwana vwavuvwa kuli Shukulu Kalunga. Uje wapwile mutambela wa Mosesa wa lijamba lya manga wakukundikisa vaka-kukombelela. Mosesa walingile vyuma vyoshe ngwe muje mwamushikile Shukulu Kalunga.

VaLevi 8:3

Asinoni sana mbunga yoshe vakungulukile ku cikolo ca Mbalaka Mwakuliwanena.”

VaLevi 8:35

Mwapande kutumbama mu cikolo ca Mbalaka mutanya na vutsiki a matangwa atanu na avali, mukulinga evi Shukulu Kalunga wavishikile. Nga kumukalingimo, co mukatsa. Eci cikeco cashikile Shukulu Kalunga kuli yange.”

VaLevi 8:5

co Mosesa wendekele kuli vakevo ngwendi, “Evi njilinga ololo vikevyo vyananjishiki Shukulu Kalunga.”

VaLevi 8:9

Co wamuzikile kalupusa ku mutwe wendi, co kulutwe lwako waakeleko mande ya ngolinde ya cimweso cakujela cakulikundika, ngwe muje mwamushikile Shukulu Kalunga.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

1 Kolinte 11:23

Omwo njatambwile kuli Mwene cilongesa cije cinjamyanene cikeco eci, Mwene Yesu, a vutsiki vuje vene vamwendele vungungu, wanonele likende,

1 Kolinte 15:3

Njamyanene vije vinjatambwile, vije vinapu vya seo yakama manene, Kilistu watsililile vivi vyetu, ngwe muvanasoneka mu Visoneka

Kwituluka mu Mashiko 12:32

“Vyuma vyoshe vije vinjinamishiki mukavilinga nakunyanyama. Kesi mukawezeleleko cuma cimo nambe kutundisako cuma cimo embwe.