VaLevi 7:37 - Livulu lya Shukulu Kalunga

³⁷ Awa akewo mashiko a milambu ya kwenyeka, na milambu ya vimbuto vya vinona, na milambu ya a vuvi, na milambu ya kuliilwisila, na milambu yakukundika vaka-kukombelela, na milambu ya kulitombola.

VaLevi 7:37 Iomraidhean Croise

Kutuuka 29:1

“Evi vikevyo viwukalinga mukukundika Alone na vana vendi ngeci vanjipangele kupwa vaka-kukombelela. Ambata muna ngombe wa nkomba na majamba vavali va vimanga vakujeneka kapenga.

Kutuuka 29:22

“Co vatozola mazi a lijamba, na mukila wa mazi, na citata-mila, na mutambela wauvwa wa lishuli, na vinso vivali na mazi avyo, na lindi lya ku cilyo omwo ikeye lijamba lyakwimikisa.

VaLevi 1:1

Shukulu Kalunga wasanene Mosesa nakwendeka nendi oku ali mu Mbalaka Mwakuliwanena ngwendi,

VaLevi 5:7

“Oloni nga munu onwa kunena manga nambe membe, co uje munu napande kunena kuli Shukulu Kalunga tutela vavali nambe mayembe vavali, kupwa mulambu wa mulonga wendi a vuvi vuje vwanalingi. Kazila umo akapwa wa mulambu wa a vuvi, co mukwavo wa mulambu wa kwenyeka.

VaLevi 6:20

“Ou ukewo mulambu wa Alone na vana vendi va vanalume uvakakombelela kuli Shukulu Kalunga a litangwa lije vakamuvwavesa. Vanapande kutwala kilo imo ya vunga vwavuvwa vwakuseneta (seteko imo ngwe ya mulambu wa vimbuto vya vinona wa matangwa oshe), vakalambule litambelo limo mutondo, na litambelo likwavo cingwezi.

VaLevi 8:22

Asinoni Mosesa wanenele lijamba lya manga wamucivali, uje wapwile wakukundikisa vaka-kukombelela, co Alone na vana vendi vakambekele mavoko avo a mutwe wa uje cimuna.

VaLevi 8:23

Co Mosesa wamutsiile wanoneleko maninga amo nakuwakwita ku shongo ya litwi lya cilyo lya Alone, na ku mulavo wa linyetete lya ku livoko lyendi lya cilyo, na ku linyetete lya linasha lya lindi lyendi lya cilyo.