VaLevi 7:35 - Livulu lya Shukulu Kalunga

³⁵ Ou ukewo mutambela wa milambu ya vyakulya yakukombelela kuli Shukulu Kalunga, uje uvanene kuli Alone, na kuli vana vendi litangwa lije vavakundikile kupwa vaka-kukombelela.

VaLevi 7:35 Iomraidhean Croise

Kutuuka 28:1

“Sana ndolome yove Alone na vana vendi, Nandave, na Avihu, na Elyazale, na Itamale. Vaangunune kuli vanu va Isalele ngeci vanjipangele vipangi vya vuka-kukombelela.

Kutuuka 29:1

“Evi vikevyo viwukalinga mukukundika Alone na vana vendi ngeci vanjipangele kupwa vaka-kukombelela. Ambata muna ngombe wa nkomba na majamba vavali va vimanga vakujeneka kapenga.

Kutuuka 29:21

Co ambatako maninga amo aje ali a mutula na mazi amo akuvwavesa, ashamwine ali Alone na a vuzalo vwendi, na ali vana vendi na a vuzalo vwavo. Asinoni ikeye na vana vendi, na vuzalo vwavo, vakapwa vakukundika kuli yange.

Kutuuka 29:7

Asinoni ambata mazi akumuvwavesa, etile a mutwe wendi, co muvwavese.

Isaya 10:27

Omo simbu ije iketa, njikamipatula ku nzili ya Asilya, co mandauluwa yavo kuyikaleme lalo a vitsili vyeni.”

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

VaLevi 8:30

Co Mosesa wanoneleko mazi akuvwava, na maninga amo aje akele a mutula nakuwashamwina ali Alone na a vuzalo vwendi, co lalo na ali vana vendi na a vuzalo vwavo. Mu ngila eyi wajelesele Alone na vuzalo vwendi, na vana vendi, na vuzalo vwavo amo kuli Shukulu Kalunga.

Yowano 3:34

Omwo woshe uje yanatumu Njambi endeka majwi a Njambi, omwo Njambi namwana Munzinzime Wakujela muvungi.

2 Kolinte 1:21

Oloni napu Njambi vavenya uje atutakamesa amo neni, ngeci myonyo yetu muli Kilistu, ikeye vavenya Njambi uje natwangula,

1 Yowano 2:20

Oloni Kilistu netila laja Munzinzime Wakujela ali yeni, ngecivene, yeni voshe munazivuka vushunga.

1 Yowano 2:27

Oloni ngeci mweni, Kilistu netila Munzinzime wendi ali yeni. Ngwe omo Munzinzime wendi ali muli yeni, kumushaka munu kumilongesa. Omwo Munzinzime wendi alinakumilongesa vyuma vyoshe, co vije alinakulongesa vinapu vya vushunga, kesi vya makuli embwe. Ngecivene, ononokeni vilongesa vya Munzinzime, co kaleni muli Kilistu.

1 Samwele 2:28

Co ku miyati yoshe ya Isalele njaangwileko naanga yendi kupwa vaka-kukombelela vange, kupanga ku mutula nakwenyeka insense, nakuzala kangamuna ku mesho ange. Co njavanene moko yakunyunga mutambela wa vin̄ombelo vya kwenyeka a mutula.