VaLevi 7:26 - Livulu lya Shukulu Kalunga

²⁶ Mukuyoya kwavo kwoshe, vaIsalele kuvapandele kulya maninga a tuzila, nambe a vimuna mu vyakulya vyavo embwe.

VaLevi 7:26 Iomraidhean Croise

Kushangumuka 9:4

Oloni kumwapandele kulya situ na maninga ayo, omwo mwonyo wayo uli mu maninga.

Kutuuka 22:30

Lambuleni kuli yange vingombe veni, na vimanga veni vaje vakulivanga kusemuka. Co vimuna vaje vakulivanga kusemuka vakakala na vaina matangwa atanu na avali, co a litangwa lyamucitanu na atatu mukavalambula kuli yange.

Ezekiyele 33:25

“Valeke vije yange Kalunga wa Akamwa ya Vyoshe, njilinakwendeka ngwange, ‘Mulya situ oku ili na maninga. Mulinakulemesa tumponya. Mulinakutsiya. Cuma mukajo cimiyongwesa ngeci lifuti linapu lyeni?

VaLevi 19:26

“Kesi mukalye situ na maninga ayo. Kesi mukaye ku vaka-kutaa nambe vaka-manseno.

VaLevi 3:17

Kukwesi kaIsalele akalya mazi nambe maninga, eli likelyo lishiko limukanyunga ku myaka yoshe kuli vaIsalele voshe ku visemwa vyeni vyoshe vya kulutwe kwoshe kuje kumukakala.”

VaLevi 7:25

Munu woshe uje alya mazi a cimuna uje valambula kupwa mulambu wa vyakulya kuli Shukulu Kalunga, kuvakamulava lalo kupwa umo wa vanu va Njambi embwe.

VaLevi 7:27

Munu woshe akapokola eli lishiko kuvakamulava lalo kupwa umo wa vanu va Njambi embwe.

Yowano 6:53

Ngecivene,Yesu wendekele kuli vakevo ngwendi, “Mwa vushunga njimileka ngwange, nga kumuli muvila wa Muna Munu nakunwa maninga endi, kumukakala na mwonyo.

Vilinga vya Miluwa 15:20

Oloni tunapande kuvasonekela mukanda wakuvaleka ngwetu kesi valye vyakulya vyakujeneka kujela omwo vanavikombelela ku tumponya nakulitenga ku vupangala, co lalo kesi valye kasitu wakutikinya nameme kulya maninga.

Vilinga vya Miluwa 15:29

kesi mulye vyakulya vije vyakukombelela ku tumponya, kesi mulye maninga, kesi mulye kasitu wakutikinya, co litengeni ku vupangala. Mukakala mwamuvwa nga mulinyunga nakujeneka kulinga vyuma evi. Viindu vyeni.”

Efeso 1:7

Omwo tunapatuka a maninga a Kilistu, ngeci na vuvi vwetu vanavusambesa, kutetela kwa Njambi kunapu kwakama,

Kwituluka mu Mashiko 12:16

Oloni kesi mukalye maninga avo embwe, munapande kuwetila asi ngwe mumuketila mema.

Kwituluka mu Mashiko 12:23

Oloni kesi mukalye situ na maninga ayo, omwo mwonyo wakala mu maninga, co yeni kumwapandele kulila kumo mwonyo na situ.

Kwituluka mu Mashiko 15:23

Oloni kesi mukalye maninga avo, mukawetile asi ngwe mumuketila mema.

1 Timateo 4:4

Omwo vyuma vyoshe vije vyanatanga Njambi vinapu vyavivwa, nacimo twasa kuvyana cai, oloni vyoshe twasa kuvitambula na lilombelo lyakukandelela,