VaLevi 7:16 - Livulu lya Shukulu Kalunga

¹⁶ Nga munu atwala mulambu wa kulitombola mukushulisa cisingo nambe kupwa mulambu wa cizango cendi vavenya, co kesi vakaulye a litangwa lije vene vanaukombelela, oloni nga umo unasalao, vasa kuulya alikaki,

VaLevi 7:16 Iomraidhean Croise

Myaso 116:14

Mu cikungulukilo ca vanu vendi voshe, njikamwana vije njamukulaesele.

Myaso 116:18

Mu cikungulukilo ca vanu vove voshe,

Myaso 66:13

Njikanena vin̄ombelo vya kwenyeka ku Njuvo yove, co njikakombelela vije vinjakukulaesele.

Kutuuka 35:29

Co vanu voshe va Isalele, vanalume na vanakazi, vaje vimbunge vyavo vyavasindiiye, vanenele milambu yavo ya cizango kuli Shukulu Kalunga yakupangesa vipangi vyoshe ngwe muje mwashikile Shukulu Kalunga Mosesa kulingamo.

Visimo 7:14

“Lelo njinakombelela vin̄ombelo vya kulitombola, co lalo njili na situ ije inasalao yakulingisa ciwano.

Ezekiyele 46:12

“Omo mwene uje alinakushwana ashaka kwana mulambu wa cizango kuli Shukulu Kalunga, nambe mulambu wa kwenyeka woshe wamutunu, nambe mulambu wa kulitombola, vakamushokolwele cikolo ca mu ngangela ca ku cipango ca mbanja ya mukati. Ikeye akalambule mulambu mu ngila imo, ngwe mwakalingi a Litangwa Lyakuhwima, co cikolo vakacishoke lalo omo atuuka anja.”

VaLevi 22:23

Ngombe wa nkomba, nambe muna manga uje nasemuka na vulema vwendi, mwasa kumulambula kupwa mulambu wa cizango, oloni kesi muvalambule kupwa mulambu wakushulisa cisingo embwe.

VaLevi 22:29

Omo mukombelela mulambu wa cikandelela kuli Shukulu Kalunga, kavangeyeni mashiko ngeci vakamitambule.

VaLevi 23:38

Viwano evi vyakukumbasana ku Matangwa Akuhwima, co milambu eyi inakumbasana ku vwana vweni vwa matangwa oshe, na milambu yeni mukushulisa visingo vyeni, na milambu ya vizango vyeni mulinakulambula kuli Shukulu Kalunga.)

Nahumi 1:15

Kengeni, muluwa alinakwija akamwa ya minkinda mukutunenela muzimbu wauvwa! Alinakwija mukwambulula vyakufungulula Asilya! Ngecivene, vanu va mu Yunda, lisambeni a viwano vyeni, co aneni kuli Njambi vije mwalisingile kumwana. Co vaAsilya vaje vaka-vuvi kuvakalwisa lalo lifuti lyeni. Vanavanyongesa voshe njwa!

Kulava 15:3

Mukalambula milambu ya kwenyeka nambe kukombelela kuli Shukulu Kalunga, ngombe wa nkomba, nambe lijamba lya manga. Nambe manga, nambe membe, mukushulisa milambu ya cisingo, nambe milambu ya cizango, nambe ya viwano vije vemika, co vweko vwavuvwa vwa milambu eyi ya vyakulya vukavwaelelesa Shukulu Kalunga.

Kwituluka mu Mashiko 12:11

Asinoni Shukulu Kalunga Njambi yeni akaangula mwela umo kuje kumukamulemesela, co kuje vene mukatwala vyuma vyoshe vije vinjinamishiki, vin̄ombelo vyeni vya kwenyeka, na vin̄ombelo vyeni vikwavo, na cavulikumi, na mulambu uje mulinakwana, na vin̄ombelo vyeni vyoshe vya cikulaeso vije mulinakulikulaesa navyo kuli Shukulu Kalunga.

Kwituluka mu Mashiko 12:17

Co nacimo cai cije cimukaana kuli Shukulu Kalunga cimukalila mu mitambela mumuli nakukala embwe, nambe cavulikumi ku vimbuto vyeni, nambe ku vinyu vyeni vyaviha, nambe ku mazi eni a olive, nambe ku va ntwatwa va vimuna veni, nambe vin̄ombelo vyeni vya cikulaeso vije mulinakulikulaesa kuli Shukulu Kalunga, nambe vin̄ombelo vyeni vya cizango, nambe milambu ikwavo lalo.

Kwituluka mu Mashiko 12:26

Twaleni vin̄ombelo vyeni ku mwela umolika wakulemesela, na mulambu weni wa cikulaeso uje munalikulaesa nawo kuli Shukulu Kalunga.

Kwituluka mu Mashiko 12:6

Yeni mukatwala vin̄ombelo vyeni kuje vya kwenyeka, na vin̄ombelo vikwavo, co mukaana cavulikumi, na mulambu uje mulinakwana, na vin̄ombelo vyeni vya cikulaeso kuli Shukulu Kalunga, na vin̄ombelo vyeni vya cizango, na va ntwatwa va ku vutanga vwa vi muna veni.