VaLevi 7:12 - Livulu lya Shukulu Kalunga

¹² Nga munu akombelela alambula mulambu ou kupwa mulambu wa cikandelela kuli Njambi, ikeye akalambule makende akujeneka musima amolika na cimuna wakukombelela. Eyi inapande kupwa mikasha ya kuhima yakulinga na vunga vwakukumbasana na mazi a olive, nambe tumashama-shama twakukwita na mazi a olive, nambe mashama-shama a kuhima akulinga na vunga vwakukumbasana na mazi a olive.

VaLevi 7:12 Iomraidhean Croise

2 Mizimbu 29:31

Hezekiya wendekele kuli vanu ngwendi, “Ololo munajele, neneni vin̄ombelo vipwe mulambu wacikandelela kuli Shukulu Kalunga.” Co vononokele, co vamo valyanene vanenele vimuna vakukombelela kupwa vin̄ombelo vya kwenyeka.

2 Mizimbu 33:16

Co lalo watungulwile mutula wa Shukulu Kalunga, wakombeleleleo milambu ya kulitombola na milambu ya cikandelela. Washikile vanu voshe va mu Yunda valemese Shukulu Kalunga, Njambi ya Isalele.

Nehemiya 12:43

A litangwa lije vakombelelele vin̄ombelo vyavingi, co vanu vajolelele manene, omwo Njambi wavavwaelelesele manene. Vanakazi na vanike valipandakanene mukulisamba, valingile muyoyo wakama uje vasele kuuziva kulyala manene.

Myaso 107:8

Vanu vamukandelele Shukulu Kalunga omwo cizemo cendi cije kucesi kutenguluka, na vyuma lalo vyakukomokesa vije vyavalingilile!

Myaso 116:17

Njikakukombelela n̄ombelo ya cikandelela, nakulombela mu lizina lyove.

Myaso 50:23

Munu woshe akombelela n̄ombelo ya cikandelela anjisingimika. Co uje ashungamesa ngila yendi, njikamumwesa kwamena kwange.”

Njelemiya 33:11

muyoyo wakulisamba, nakujolela, nakuvwaelela, na muyoyo wa viwano vya vulo. Mukaziva vanu vakaimba omo vanena milambu ya cikandelela ku Njuvo yange nakwendeka ngwavo, ‘Kandeleleni kuli Shukulu Kalunga Muka-nzili yoshe, omwo ikeye wamuvwa, omwo cizemo cendi cakala ku myaka yoshe.’ “Lifuti eli likavezika, ngwe mulyafwile laja. Yange Kalunga, njinendekamo.”

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

VaLevi 2:4

“Nga mulambu ou unapu wa makende akwoca a liko, vanapande kuwatika akujeneka musima. Anapande kupwa a mikasha ya kuhima yakulinga na vunga vwavuvwa vwakuseneta vwakutsingasana na mazi a olive, nambe tumashama-shama twakukwita na mazi a olive.

VaLevi 2:5

“Nga ou mulambu wa vimbuto vya vinona unapu wa makende akwocela a cikango, anapande kupwa akulinga na vunga vwavuvwa vwakuseneta vwakutsingasana na mazi a olive, oloni akujeneka musima.

VaLevi 22:29

Omo mukombelela mulambu wa cikandelela kuli Shukulu Kalunga, kavangeyeni mashiko ngeci vakamitambule.

VaLevi 6:16

Alone na vana vendi vakalya vyoshe vije vikasalao mu mutambela wakujela mu cipango ca Mbalaka Mwakuliwanena, oloni makende kuvakawatiki na musima embwe.

VaLevi 7:15

Co situ ya uje cimuna wa mulambu wa kulitombola akayilya ikeye vavenya a litangwa lije vene lyaikombelela, naimo yai ikasalao noo alikaki mutondo.

Amose 4:5

Neneni makende kupwa mulambu wa cikandelela kuli Njambi, co lyaleseni a milambu ikwavo imunena! Omu mukemwo mumwashaka kulinga.

Kulava 6:15

Co akalambula lalo mutonga wa makende akujeneka musima, na mashama-shama a kuhima a vunga vwakuseneta vwakukumbasana na mazi a olive, amo na mulambu wavyo wa vimbuto vya vinona na mulambu wavyo wa vinyu.

Luka 17:16

Co wavulumanene ku myanja ya Yesu nakumukandelela. Ikeye wapwile kaSamaliya.

Luka 17:18

Omo vika ou lika kesi kaYunda neluka nakukandelela kuli Njambi?”

Loma 1:21

Omwo nameme vazivuka Njambi, oloni kuvamusingimika, nambe kumukandelela. Oloni viyongola vyavo vinapu vyangoco, co mana avo amupulungwa anashulu na lisusulungu.

Efeso 5:20

Simbu yoshe kandeleleni kuli Njambi Tatetu mu vyuma vyoshe mu lizina lya Mwene yetu Yesu Kilistu.

VaHevelu 13:15

Ngecivene, ijeni tushangazale Njambi simbu yoshe ngwe n̄ombelo yetu ali Yesu, ikeyo n̄ombelo ya tunwa twetu yakumutava ikeye Mwene.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.