VaLevi 6:27 - Livulu lya Shukulu Kalunga

²⁷ Munu woshe nambe cuma coshe-icoshe cikakwata ku situ ya cimuna uje, akavulumuka a nzili yakujela kwayo. Nga ku vuzalo kunashamukila limbase lya maninga a uje cimuna, vanapande kuvukushila mu mutambela uje vene wakujela.

VaLevi 6:27 Iomraidhean Croise

Kutuuka 29:37

Linga eci a litangwa na litangwa a matangwa atanu na avali mukwambesa mutula, nakuujelesa, asinoni ukapwa wakujela, co nga munu umo nambe cuma cimo cikambolako cikavulumuka a nzili yakujela kwawo.

Kutuuka 30:29

Co mu ngila eyi ukajelesa vyuma evi, ngeci vikapwe vyakujela, co munu woshe nambe cuma coshe cikambolako, co cikavulumuka a nzili yakujela kwavyo.

Ezekiyele 44:19

Omo kanda vacituuke anja ya cipango ca mbanja kuje kuli vanu, akulivanga vanapande vashulule vuzalo vuje vazalele a vipangi mu Njuvo yange, co vavuseze mu milili ije yakujela. Vanapande kuzala vuzalo vweka ngeci vuje vuzalo vwavo vwakujela kesi vuvulumune vanu.

VaLevi 11:32

Co nga mitunu yavo ya kutsa iwila a cuma cimo, cikapwa cakujeneka kujela. Eci cinakundama ku vivala vyoshe vya viti, nambe nanga, nambe cilambu, nambe cikeleya, nambe kuvacipangesa mu ngila ika indi ika, cikapwa cakujeneka kujela. Co cije cuma vakacimbwitike mu mema, oloni cikapwa cakujeneka kujela noo ku cingwezi.

VaLevi 6:18

Co vatekulwila va Alone va vanalume vakailye ku visemwa vyavo vyoshe vya kulutwe omwo unapu mutambela wavo wa milambu ya vyakulya wakukombelela kuli Shukulu Kalunga. Munu nkala uje akakwata ku mulambu wa vyakulya ou akavulumuka a nzili yakujela kwawo.”

VaLevi 7:19

Nga situ ya mulambu uje ilikumbasana na cuma cimo cakujela, co kuvapandele kuulya, oloni vanapande kuwenyeka. Co munu woshe uje najele asa kuyilya,

Hangai 2:12

‘Nga munu umo ambata cipuka ca situ yakujela a cikoveyo cendi, co omo enda cikoveyo cendi cimbola ku likende, nambe kuvyakulya vya kuteleka, nambe ku vinyu, nambe ku mazi a olive, nambe ku vyakulya vya muyati weka, co vyakulya vije vikajela ndi?’ ” Omo vaka-kukombelela vavehwile, co vakumbulwile ngwavo, “Embwe.”

Mateo 14:36

Co vamulambelelele ngeci atave vaje vakele nakuvinja vakwate nameme ku mukundwilo wa cikoveyo cendi, co vaje voshe vakwateleko vakangukile.

Mateo 9:21

Omwo wayongwele mu mbunge yendi ngwendi, “Nga njikwata lika ku mukundwilo wa cikoveyo cendi, njikanguka.”

2 Kolinte 7:1

Vikulaeso vyoshe evi vavilingilile yetu, vasamba vange. Ngecivene, tulijeleseni ku vyuma vyoshe vije vijwalesa muvila nambe mwonyo, co tupweni vakujela njwa akuyoya kwetu mukusingimika Njambi.

2 Kolinte 7:11

Kengeni Njambi vati nalingi na vusiwa vweni ovu, vati vunamilingisa ngeci munyanyame manene! Nakusholola sholovya yakulishungamesa na vukaleo vwavuvwa na cizemo na mukulikundika nakuzambula kunyanyamesa vilinga vyavivi! Co munalisholola yeni vavenya ngeci munajeneka mulonga mu vyuma vyoshe.